Kryetari i Komunës së Vushtrrisë, Ferit Idrizi, me ftesë të drejtorit të kompanisë për prodhimin e reklamave “Luki GmbH & Co. KG”, Faruk Imeri, po qëndron për vizitë në qytetin Bretzfeld të Gjermanisë, ku ka vizituar kompaninë në fjalë, e cila me prodhimin e saj cilësor të reklamave, sipas standardeve të larta, nga materiali alumin, plastikë dhe hekur, ka mbuluar eksportin në shumë vende të BE-së.
Kryetari Idrizi tha se qëllimi i vizitës është të shoh nga afër procesin e prodhimit të reklamave nga kjo kompani, derisa theksoi se pronari ka shprehur gatishmërinë të sjell investime të kësaj fushe në Komunën e Vushtrrisë.
“Kënaqësi e veçantë kur takon bashkatdhetarët tanë, si biznesmen kaq të fuqishëm që punojnë me kaq përkushtim e profesionalizëm.
Qëllimi i vizitës ishte, të shoh nga afër kompaninë dhe procesin e prodhimit të reklamave. Pritja e ngrohtë dhe vëllazërore e Drejtorit të kompanisë, z. Faruk Imeri, na shoqëroi tërë kohën, ndërsa gatishmëria e tij për të sjell investime të kësaj fushe në Qytetin e Vushtrrisë, ishte lajmi më i mirë për mua.
”, tha kryetari Idrizi.
