Përfaqësues të 7 fshatrave shqiptare si dhe ata të fshatit fqinjë Prelluzhës, janë takuar së bashku në kuadër të këshillit lokal për siguri publike, në të cilin kanë kërkuar mbështetje financiare për realizim të projekteve të përbashkëta të 8 fshatrave me popullatë të përzier nacionale. Projektet sipas tyre janë të natyrës që i shërbejnë kultivimit të bashkëjetesës dhe shoqërisë multietnike. Kryetari i këtij këshilli Ismet Saraqi në këtë bledhje ka potencuar rolin e madh që po luan formimi i këshillit lokal të sigurisë duke ndihmuar e kontribua për çështjen e sigurisë publike. “ Ura mbi lumin Silnica, e ndërtuar kohë më parë po lidhë edhe fizikisht banorët e 7 fshatrave shqiptare me banorët e Prelluzhës dhe tani komunikimi dhe bashkëpunimi janë në nivel ” theksoi Saraqi. Nënkryetari i këtij këshilli Mirko Popoviç duke përmendur progresin e arritur të këtij këshilli përmendi edhe hapin tjetër të tyre, i cili kishte të bënte me lirimin reciprok të pronave të uzurpuara në mes shqiptarëve dhe serbëve lokal. “ Ne kemi arritur një marrëveshje të përbashkët dhe tani pa problem ajo ka nisur së zbatuari duke liruar pronat e uzurpuara ndaj njëri-tjetrit ” tha Popoviç. Ai duke folur për ca incidente të vogla nga të rinjët në fshat, tha të jenë kaluar shpejt me intervenim të ndërsjelltë të të gjithë anëtarëve të KLS-së. Popoviç gjithashtu ka folur edhe për projektet e përbashkëta të këtij këshilli, të cilat do të afronin të rinjët shqiptarë e serbë në mes vete. “ Ne si këshill i përbashkët i këtyre fshatrave fqinje kemi hartuar projekte që ngrisin cilësinë e jetës së përbashkët aty ku jetojmë si për ambientin, sigurimin e ujit të pijëshëm, por edhe projektin, në mënyrë që të rinjët tanë të kenë shoqëri më të mirë mes vete, të organizojnë vizita jashtë vendit qofshin ato edhe të kryerjes së punëve sezonale apo edhe studimore ” thotë anëtari i këtij këshilli Dragisha Llaziq. Përfaqësuesit shqiptarë të fshatrave përreth Prelluzhës kanë kërkuar që pengesat e larta të vendosura si policë të shtrirë nëpër rrugët e fshatit Prelluzhë të evitohen nga arsyeja që kalimi në to me vetura po u sjell probleme. Anëtarët e KLS-së, shqiptarë e serbë u dakorduan për t’iu bërë një pritje të përzemërt një delegacioni gjithashtu miks nga shtetet e lindjes së afërt si Izraelit, Palestinës e Jordanisë. “ Ata në fshatin Prelluzh vijnë për të parë përvojat tona të kultivimit të bashkëjetesës, andaj realisht do t’i njoftojmë se si po e arrijmë, edhe pse ka pasur një dekadë që nuk kemi komunikuar mes veti ” tha në emër të këtij këshilli nënkryetari Mirko Popoviç.
“Ura mbi lumin Silnica, e ndërtuar kohë më parë po lidhë edhe fizikisht banorët e 7 fshatrave shqiptare me banorët e Prelluzhës dhe tani komunikimi dhe bashkëpunimi janë në nivel ” theksoi Ismet Saraqi
