Mijëra aktivistë të shoqërisë civile, nxënës, qytetarë, punëtorë, FSK, OSBE, kompani publike e private, përfaqësues politikë e punëtorë të administratës komunale, të enjten i janë përgjigjur aksionit “Ta pastrojmë Kosovën”.
Përveç ambienteve të institucioneve publike, shesheve e rrugëve në qytet, në këtë aksion pastrim të mbeturinave janë bërë edhe në lagjet e qytetit rreth lumit “Sitnicë” dhe në në fshatra sidomos në Lumadh, Smrekonicë, Tërllabuq dhe Dobërllukë si dhe është rruga që nga qyteti shpie deri të fabrika e Llamarinës e cila është pastruar nga vet punëtorët e asaj fabrike.
Këtij aksioni i është bashkuar edhe kryetari i komunës Bajram Mulaku, i cili ka zgjedhur të mbjell lule në qendër të qytetit, i cili përveç kësaj iniciative të mire ka kërkuar që në ditët e ardhshme të mos hedhën mbeturina në hapësirat publike. “Le të jetë kjo nismë edhe një mesazh i mirë për t’u ngritur vetëdija e të gjithë neve për ta ruajtur e kultivuar më shumë ambientin pasi këtu po jetojmë”, ka thënë Mulaku.
Ndërkaq Behar Mustafa, kryetar i Këshillit për veprim rinor lokal, tha se me këtë aksion qytetarët e Vushtrrisë po japin mesazhin se duan të jetojnë në një ambient më të mirë. “Ne qytetarët e Vushtrrisë përmes këtij aksioni masiv, po e japim mesazhin për ta ruajtur ambientin. Besoj që pas kësaj dite qyteti por edhe rrethina do të jetë më pastër” vlerësoi Mustafa. Sipas Ragip Mikushnicës, menaxher i kompanisë publike për menaxhimin e mbeturinave “Uniteti”, suksesi i këtij aksioni është në ngritjen e vetëdijes së qytetarëve për të pasur një sistem më efikas të menaxhimit të mbeturinave, duke bërë pagesën kompanisë dhe duke lidhur kontrata për kryerjen e shërbimeve.
“Le të jetë kjo nismë edhe një mesazh i mirë për t’u ngritur vetëdija e të gjithë neve për ta ruajtur e kultivuar më shumë ambientin pasi këtu po jetojmë”, ka thënë Mulaku
