Mbahet mbledhje komemorative në rastin e vdekjes së veprimtarit Shefqet Popova

Në vitin shkollor 1955/56 Shefqeti filloi punën e mësuesit të matematikës e fizikës në shkollën tetëvjeçare në komunën e Vushtrrisë. Gjatë këtij viti shkollor, Shefqet Popova, për shkak se kundërshtoi  shuarjen e paraleleve shqipe dhe kthimin  e tyre  me mësim në gjuhën serbe, do të largohet  nga shkolla dhe Këshilli Komunal i Arsimit do të marrë vendim për largimin e tij nga puna, por këtë vendim do ta kundërshtojë kryetari i këtij këshilli Musli Tërllabuqi.  Në vitin  shkollor  1858/59 Shefqeti  do të regjistrohet  në SHLP-Dega Matematikë-Fizikë dhe pas mbarimit të saj ishte njëri prej arsimtarëve të parë në shkollën e mesme Ekonomike, e më vonë arsimtar i gjimnazit në Vushtrri. Në vitin shkollor 1971 Shefqeti do të jetë arsimtar i matematikës dhe fizikës në shkollën e policisë, gjersa në vtin 1974 do të zgjedhet drejtor në shkollën   e mesme “Ali Kelmendi”.  Shefqeti në një kohë punoi në gjimnazin e Mitrovicës, por sërish do të kthehet në qendrën shkollore në Vushtrri ku do të punojë  deri në vitin 1982. Para pensionimit punoi në Entin Pedagogjik.
Vdekja e papritur e tij është humbje madhe  për ne, pasi që humbëm një veprimtar të dëshmuar të çështjes kombëtare.
E nderuara familja Popova, pranoni ngushëllimet  më të thella në emër të kryetarit të komunës, të qeverisë komunale dhe bashkëveprimtarëve të Shefqetit.
Shefqeti do t’i mungoi familjes së tij, miqve, do të na mungoi të gjithëve. Shëmbëlltyra e tij do të mbetet si udhërrëfyes  për gjeneratat që do të vinë” tha Përçuku
Për veprimtarinë humanitare të Shefqet Popovës, ka folur dr.Pajazit Pllana, gjersa për veprimtarinë në arsim drejtori gjimnazit “Eqrem Çabej” Bedri Shyti. Evokime për të ndjerin shpalosi edhe veprimtari i shoqatës “Nëna Terezë” në Mitrovicë – Mustafë Ademi. Në emër të familjes pjesëmarrësit i falënderoi Shkelzeni, i biri i të ndjerit.
Varrimi i të ndjerit u bë sot në varrezat e qytetit në fshatin Begaj.