Këshilltari special i USAIDI-it Craig Buck, i shoqëruar nga Ginka Kapitanova drejtor i programit të USAID-it “Inciativa për Komuna Demokratike Efektive”, kanë vizituar sot Komunën e Vushtrrisë për të inaguruar realizimin e disa projekteve të përbashkëta si dhe përcjell fillimin e realizimit të projektit të shëtitores gjegjësisht shtegut për këmbësorë bri lumit “Sitnica”.
Kryetari i komunës Bajram Mulaku ka përshëndetur formën e mirë të bashkëpunimit me USAIDIN në realizimin e shumë projekteve, të cilat kanë ndikuar në rritjen e performancës dhe ngritjen e nivelit të shërbimeve për qytetarët. Kryetari Mulaku ka përshëndetur zyrtarët e lartë të USAID-it për realizimin e projektit ne bashkëfinancim, për rregullimin e parkut të qytetit, ku vlera e projektit ka qenë 61.396 dollarë ku nga fondi stimulues kanë qenë 25,000 dollarë dhe Komuna ka participuar me 36.396 dollarë. Gjithashtu ai ka falënderuar për mbështetjen financiare të zyrës së informacionit në komunë me vlerën e projektit prej 8.047 dollarëve për fuqizim të transparencës. “Projektet e e përbashkëta USAID –komunë janë shumë por ne, sot po fillojmë gjithashtu me një projekt të ri të përbashkët “Rregullimin e shëtitores dhe eliminimin e deponive ilegale ku vlera e projektit kap shumën 77 521 dollarëve, ku komuna participon me 17 131 dollarë , të tjerat USAIDI” tha Mulaku. Graig Buck tha se Qeveria e Shteteve të Bashkuara të Amerikës mbështet komunat që punojnë në ngritjen e demokracisë dhe efikasitetit të punës, për të qenë sa më afër qytetarëve të vet si dhe integrimin e komuniteteve pakicë. “Integrimi i komunitetit pakicë është vitale për Kosovën dhe sot të gjithë dëshirojmë ta shohim Kosovën si shtet demokratik, multietnik, gjersa ju po bëni përpjekje të duhura si komunë. Për këtë gjë ju mbështet komuniteti ndërkombëtar” tha Buck.
Drejtuesit e komunës bashkë me ata të USAIDIT kanë bërë inagurimin e përfundimit të punimeve në parkun e qytetit si dhe vizituan fillimin e punimeve në rregullimin e shëtitores bri lumit Sitnica. Kryetari Mulaku për kontributin e USAIDIT dhënë për komunën e Vushtrrisë, ka ndarë mirënjohje e plaketa për zotin Buck si dhe për drejtoreshën e programit të DEM-i, Ginka Kapitanova
Projektet e e përbashkëta USAID –komunë janë shumë por ne, sot po fillojmë gjithashtu me një projekt të ri të përbashkët “Rregullimin e shëtitores dhe eliminimin e deponive ilegale ku vlera e projektit kap shumën 77 521 dollarëve, ku komuna participon me 17 131 dollarë , të tjerat USAIDI” tha Mulaku
