“Ky investim i Qeverisë së Kosovës mbi 8 milion euro do të zgjidh njëherë e përgjithmonë çështjen e furnizimit me ujë të pijshëm për banorët e kësaj komune” ka deklaruar kryeministri Hashim Thaçi i shoqëruar nga kryetari i komunës Bajram Mulaku në inspektimin e punimeve të ujësjellësit në Vushtrri.
Disa muaj pas fillimit të punimeve në projektin prej 8.2 milionëve të ujësjellësit të financuar nga qeveria e Kosovës, kryetari i komunës Bajram Mulaku, në Balinc ka deklaruar se ndjehet mirë që po i vie fundi problemit të mungesës së ujit. “Kompania që e ka marr kryerjen e punimeve po kryen punën me dinamikë të përshpejtuar. Në fund po realizohet një projekt jetik i qytetarëve të Vushtrrisë për mungesë të ujë”, ka thënë Mulaku.
Punimet në ndërtimin e ujësjellësit, kanë filluar në pranverën e këtij vitit, derisa sipas kontratës ato pritet të përfundojnë deri në fund të vitit 2013.
Por sipas mbikëqyrësit të punimeve, inxhinierit të kompanisë Rukolli punimet në ndërtim e kësaj fabrike pritet të përfundojnë në fund të vitit 2012. “Në kontratë është paraparë që këto punime të zgjasin gjerë në fund të vitit 2013, por ne shpresojmë ti përfundojmë punimet më herët, duke pasur parasysh kërkesat e mëdha të qytetarëve për të siguruar ujë të pijshëm” ka thanë ai.
“Kompania që e ka marr kryerjen e punimeve po kryen punën me dinamikë të përshpejtuar. Në fund po realizohet një projekt jetik i qytetarëve të Vushtrrisë për mungesë të ujë”, ka thënë Mulaku
