Te gjithë anëtaret e Komitetit për politikë dhe financa si dhe personeli i administratës se Komunës se Vushtrrisë, të martën në Prishtinë kanë ndjekur punëtorinë ”Procesi i buxhetimit komunal dhe inkurajimi i pjesëmarrjes se qytetareve në procesin e vendim-marrjes” te organizuar nga Projekti për iniciativa për Komuna Demokratike dhe Efektive-DEMI, financuar nga USAID me qellim te ngritjes se mëtutjeshme te kapaciteteve profesionale te zyrtareve komunal ne procesin e buxhetimit si dhe në përmirësimin e pjesëmarrjes se qytetareve në dëgjimet publike për buxhet. Ekipi i DEMI mbajti një punëtori me prezantime interaktive për planifikim me kualitativ te buxhetit pikërisht ne kohen e planifikimit te buxhetit komunal për vitin 2012.
Zyrtaret e administratës, Zyrtari për Informim, zyrtarja për Barazi Gjinore, zyrtari për rini dhe shefi i Financave ishin pjese e punëtorisë me qellim të fillojnë informimin e qytetareve për buxhetin e vitit 2010 dhe 2011 duke shfrytëzuar metodat tradicionale dhe bashkëkohore për informim te publikut te gjerë.
Një prej rezultateve te Punëtorisë ishte zhvillimi i një Plani te Veprimit për gjashte muajt e ardhshëm qe do te zbatohet me asistencën e stafit te DEMI dhe qe përqendrohet ne këto fusha:
– Informimi I qytetareve ne lidhje me buxhetin 2010, buxhetin e tanishëm 2011 duke i përzgjedhur grupet specifike dhe përmes kanaleve te ndryshme
– Konsultimi dhe marrja e mendimeve te qytetareve për prioritetet për projekte dhe takimet me qellim konsultimin me qytetare për përgatitjen e buxhetit 2012, si dhe
– Skenari për organizim efektiv të dëgjimeve publike për buxhet si mjet për te inkurajuar pjesëmarrje sa me te madhe dhe aktive te qytetareve.
Zyrtaret komunal do te intensifikojnë përpjekjet me qellim te gjallërimit te takimeve konsultative me grupe te ndryshme te interesit gjatë procesit të buxhetimit, praktika te cila nuk kane treguar rezultatet e dëshirueshme sipas zyrtareve te komunave. Zyrtaret e komunës së Vushtrrisë janë të përkushtuar te marrin mendimet e qytetareve për projektet prioritare, përfshire edhe kërkesat e publikut te gjere si dhe përfshirjen e te gjitha komuniteteve ne mënyre te barabarte ne procesin e vendim-marrjes për çështje te cilat janë te lidhura direkt me qytetaret. Plani i veprimit është një udhëzues i mire për te shtuar cilësinë e procesit te buxhetimit si dhe organizimin efektiv te takimeve konsultative dhe dëgjimeve publike ne te ardhmen.
.
