Kryetari i komunës Bajram Mulaku, me rastin e ditës kombëtare të të pagjeturve, të martën ka pritur një delegacion të Komisionit qeveritar për të pagjeturit, Kryqit të Kuq të Kosovës dhe shoqatave dhe familjeve të pagjeturve.
Këtë takim e Mulaku e ka vlerësuar shumë të rëndësishëm si në përkujtimin e të pagjeturve, ashtu edhe për tu njohur me problemet e kësaj kategorie që dha shumë për lirinë e Kosovës. Në kuadër të kompetencave që ka si pushtet vendor, ai tha se po ka bërë përpjekje që tu krijoj kushte të mira dhe ti përkrah shoqatat e të të pagjeturve që merren me problemet e kësaj kategorie.
Ndërkaq Prenk Gjetaj, kryetari i komisionit qeveritar për të pagjeturit, tha se nga lufta e fundit në Kosovë ende vazhdojnë të jenë të pagjetur 1800 persona Bashkëpunimin e mirë të komunës me shoqatat e familjeve të pagjetura në Vushtrri, Gjetaj e ka quajtur shembull siç tha ai që duhet ndjekur edhe nga komunat tjera.
Lutfije Behrami, nga asociacioni i familjarëve të të pagjeturve në Vushtrri, ka shprehur pakënaqësinë që në rritjen e fundit të asistencës sociale, nuk janë përfshirë të rënët civil të luftës.
Në këtë takim kanë marrë pjesë edhe Feride Hyseni, sekretare e Kryqit të Kuq të Kosovës, Nysrete Kumnova nga “Thirrjet e nënave” e Haki Kosumi nga këshilli koordinues i familjeve të të pagjeturve. Me rastin e kësaj dite, ky delegacion ka vënë kurua lulesh në lapidarin e të pagjeturve dhe të rënëve civil.
Bashkëpunimin e mirë të komunës me shoqatat e familjeve të pagjetura në Vushtrri, Prenk Gjetaj nga komisioni qeveritar për të pagjeturit e ka quajtur shembull siç tha ai që duhet ndjekur edhe nga komunat tjera.
