Kryetari i komunës së Vushtrrisë Bajram Mulaku, me ftesë të qeverisë së një Landi të Tirolit, i shoqëruar me një delegacion po qëndron për vizitë në Tirol. Mulaku po shoqërohet nga drejtori i emergjencës dhe mbrojtjes Naim Hyseni si dhe pesë zjarrfikës nga njësia e Vushtrrisë për të cilët u bë e ditur se në shkollën e zjarrfikësve të Tirolit do të kryejnë trajnim të shkurtër në përdorim të automjeteve të dhuruara. Para udhëtimit, ai ka bërë të ditur se Vushtrrisë ka një bashkëpunim të mirë dhe është duke u mbështetur nga qeveria e Tirolit.
“Me këtë vizitë synojmë vazhdimin e bashkëpunimit shumë të frytshëm që ka komuna me Qeverinë e këtij Landi si dhe pranimi i një donacioni për njësinë e zjarrfikësve”, është shprehur Mulaku.
Sipas Mulakut nga qeveria e Tirolit ata do të pranojnë dhuratë tri automjete të specializuara për njësinë e zjarrfikësve të Vushtrrisë. Kjo është ndihma e dytë brenda këtij viti për Vushtrrinë që po ndahet nga qeveria e Tirolit.
Nga qeveria e Tirolit ata do të pranojnë dhuratë tri automjete të specializuara për njësinë e zjarrfikësve të Vushtrrisë
