Fshatrat Ceceli, Dumnicë e epërme, Dumnicë e mesme dhe e Dumnicë e poshtme, Ropicë, Samadrexhë, Sllakoc, Studime e epërme, Studime e poshtme, Sfaraçak dhe Vilanc janë bërë me rrjet të ri të ujësjellësit. Të hënën në një ceremoni përmbyllëse të përfundimit të këtij projekti kanë marrë pjesë kryetari i komunës së Vushtrrisë Bajram Mulaku dhe Guido Beltroni, zëvendës drejtor i Agjensionit zviceran për zhvillim dhe bashkëpunim (SDC).
Mulaku ka falënderuar qeverinë Zvicerane dhe atë austriake, por edhe MAPL për mbështetjen që kanë dhënë në ndërtimin e rrjetit të ujësjellësit, si dhe ka paralajmëruar se së shpejti do ti vie fundi problemit të ujit të pijes në Vushtrri me ndërtimin e ujësjellësit. Ai ka kërkuar mbështetje nga donatorët edhe për shtrirjen e rrjetit të ujësjellësit edhe në fshatrat tjera në perëndim të Vushtrrisë. “Për zgjerimin e rrjetit këtë vit nga komuna e Vushtrrisë ai tha se janë ndarë 150 mijë Euro derisa 50 mijë të tjera pritet të ndahen vitin e ardhshëm”, ka thënë Mulaku.
Guido Beltroni, zëvendës drejtor i Agjensionit zviceran për zhvillim dhe bashkëpunim, me rastin e inaugurimit të këtij projekti tha se kjo do të ndikoj që banorët e zonave rurale të pinë ujë të pastër si dhe ta ndal migrimin.
Ky projekt ka kushtuar 447 850 Euro dhe është realizuar nëpërmjet fondeve të Agjensionit Zviceran për Zhvillim dhe Bashkëpunim (SDC) me 210 mijë Euro, Komuna e Vushtrrisë 150 mijë Euro dhe MAPL me 122,850 Euro.
Ky projekt ka kushtuar 447 850 Euro dhe është realizuar nëpërmjet fondeve të Agjensionit Zviceran për Zhvillim dhe Bashkëpunim (SDC) me 210 mijë Euro, Komuna e Vushtrrisë 150 mijë Euro dhe MAPL me 122,850 Euro
