Zëvendës ambasadori i Turqisë në Prishtinë Ozkan tha se ndjehet i lumtur që këto dy komuna kanë ndërtuar një bashkëpunim shumë të mirë. Në kuadër të kësaj vizite përmes Gjysmë Hënës së Kuqe turke ata kanë sjell në Vushtrri ndihma në ushqim për skamnorët, por edhe në çanta e veshmbathje në vlerë rreth 50 mijë Euro për nxënësit. “Para se të udhëtojmë për Kosovë kemi biseduar me TIKA-në e cila është e interesuar që të investojë në rindërtimin e objektit të Hamamit të qytetit të Vushtrrisë”, ka deklaruar Mesut Akgul kryetar i komunës Mamak të kryeqytetit turk Ankarasë. Mysafirët turqve janë pritur edhe nga nxënësit e Shkollës së mesme të ultë Naim Frashëri derisa nënkryetari i Gjysmë Hënës Turke Aydogdu ka ndarë në mënyrë simbolike çanta për nxënësit e asaj shkolle.
Gjatë qëndrimit në Vushtrri, delegacioni turk pritet të vizitoj edhe disa biznese ne Vushtrri.
Kreu i komunës Mamak të kryeqytetit të Turqisë të Ankarasë z. Mesut Akguli shoqëruar nga zëvendës ambasadori i Turqisë në Prishtinë Emre Ozkan dhe nga zëvendëskryetari i Gjysmë Hënës së Kuqe të Turqisë Hamza Aydogdu, po qëndrojnë për një vizitë zyrtare në komunën e Vushtrrisë.
Pritja e mysafirëve turq nga Komuna Mamak me të cilën Komuna e Vushtrrisë është binjakëzuar, është bërë të martën nga kryetari i komunës Bajram Mulaku i cili i ka njoftuar mysafirët me sfidat por edhe prioritet e Vushtrrisë por edhe me gjendjen jo të mirë të monumenteve të trashëgimisë kulturore. “Nga kjo vizitë pres ndërtimin e bashkëpunimit në fushën e bujqësisë, bashkëpunimit në zhvillimin e bizneseve, arsimit e kulturës”, i ka thënë Mulaku kryetarit të komunës Mamak Mesut Akgul.
