Komuna e Vushtrrisë sot ka nënshkruar Memorandum Bashkëpunimi me “ Engagement Global” për Stabilizimin e mëtejme të komuniteteve pakicë dhe shumicë në Kosovë përmes mbështetjes së shtuar socio-ekonomike.
Komuna përmes “Socio – Projekti 2” do ti mbështesë 16 përfitues ndërsa si përfitues të projektit në përgjithësi janë 222 persona / biznese, 5 Organizata Mbështetëse të Biznesit (BSO) dhe 5 komunitete.
Projekti përbëhet nga 5 komponentë dhe synon drejtpërdrejt të rinjtë, gratë dhe individët e privuar nga shoqëria që kërkojnë punë në mënyrë që të përmirësojnë standardin e tyre të jetesës.
Ky projekt është në emër të Ministrisë Federale Gjermane për Bashkëpunim Ekonomik dhe Zhvillim – BMZ dhe është duke u implementuar nga Fondacioni për Zhvillim të Qëndrueshëm Ekonomik – PREDA Plus Kosova në partneritet me WEntrepreneur Kosovë dhe me mbështetjen e Arbeiter Samariter Bund – ASB.
