Është mbajtur sot mbledhja e rregullt e Kuvendit të Komunës së Vushtrrisë, në të cilën u diskutuan disa pika të rendit të ditës.
Mbledhja është udhëhequr nga kryesuesja e Kuvendit të Komunës, Melihate Basholli Latifi, ndërsa morën pjesë kryetari i Komunës së Vushtrrisë, Ferit Idrizi, nënkryetari, Shpëtim Zhegrova, si dhe drejtorët e drejtorive komunale.
Pikat e rendit të ditës që u diskutuan dhe u miratuan me shumicë votash në mbledhjen e rregullt të Kuvendit të Komunës janë:
1. Miratimi i procesverbalit nga mbledhja inauguruese e Kuvendit të Komunës së Vushtrrisë, mbajtur më datë 12 dhjetor 2025;
2. Miratimi i procesverbalit nga mbledhja e jashtëzakonshme e Kuvendit të Komunës së Vushtrrisë, mbajtur më datë 30 dhjetor 2025;
3. Raporti për të hyrat dhe shpenzimet buxhetore, për vitin 2025;
4. Propozim-vendim për formimin e komisionit të aksionarëve në NPL “Përparimi” në Vushtrri;
5. Propozim-vendim për formimin e komisionit të aksionarëve në KRM “Uniteti” në Vushtrri;
6. Propozim-vendimi për ndryshimin dhe plotësimin e tabelave buxhetore 4.1 dhe 4.2 të Buxhetit të Komunës së Vushtrrisë për vitet 2026-2028;
7. Shqyrtimi dhe aprovimi i kërkesës për nismën e ndryshimit dhe plotësimit të Statutit të Komunës së Vushtrrisë;
8. Draft-Rregullore për Transparencë në Komunën e Vushtrrisë;
9. Draft-Plani i Veprimit për Transparencë Komunale 2026-2029;
10. Rishqyrtimi i vendimit nr.65281/25, i datës 30.12.2025, për publikimin e listës së pronave të Komunës së Vushtrrisë për dhënie në shfrytëzim për vitin 2026;
11. Rishqyrtimi i vendimit për themelimin e Komitetit për Komunitete;
12. Pyetje dhe përgjigje.
Për më shumë, mbledhjen e rregullt të Kuvendit të Komunës së Vushtrrisë, të mbajtur më 29 janar 2026, mund ta ndiqni edhe në ueb-faqen e Komunës: https://vushtrri.rks-gov.net/videoincizimet-e-mbledhjeve…/
