Hyrie Uka Hoxha

Drejtore e Drejtorisë për Administratë

Hyrie Uka Hoxha lindi në vitin 1986 në Vushtrri. Studimet postdiplomike i ka përfunduar në Universitetin e Prishtinës “Hasan Prishtina”, Fakulteti Filozofik në departamentin e Sociologjisë.

Nga viti 2022 deri në vitin 2024 ka qenë e angazhuar si Zyrtare për të Drejtat e Njeriut dhe Fëmijëve në Komunën e Vushtrrisë. Ndërkaq, nga viti 2014 e deri në vitin 2022 ka ushtruar funksionin e Zyrtares së Gjendjes Civile në Komunën e Vushtrrisë.

Gjithashtu, nga muaji mars i vitit 2008 e deri në muajin gusht të vitit 2009, ka punuar si profesoreshë e lëndës së Sociologjisë në Gjimnazin “Eqrem Çabej” në Vushtrri.

Ka ushtruar rolin e trajneres në kuadër të programit të NDI-së, në projektin “Kyçja e të rinjve në proceset politike”.

Ka ndjekur trajnime të shumta, si për lidership, avokim, debat, rekrutim.

Nga data 14.05.2024 mban pozitën e Drejtores së Drejtorisë së Administratës në Komunën e Vushtrrisë.

Jeton në Vushtrri, është e martuar dhe është nënë e dy vajzave dhe një djali.

Zyra nr. 15

038 200 42433

hyrie.uka@rks-gov.net

Detyrat dhe përgjegjësitë e Drejtorisë për administratë të përgjithshme janë:

• Ofrimi i shërbimeve në fushën e gjendjes civile, regjistrimin e fakteve të lindjes, të vdekjes dhe të martuarve, përditësimin, korrigjimin dhe ndryshimin e të dhënave personale, si dhe lëshimin e të gjitha certifikatave dhe dokumenteve që kanë të bëjnë me fushën e gjendjes civile.
• Ofrimi i shërbimeve për qytetarë dhe biznese si dhe njohjes së qytetarëve me informacione lidhur me kushtet, procedurat administrativo ligjore dhe trajtimin e parashtresave të qytetarëve si në formë të shkruar ashtu edhe në formë elektronike –
• Promovimi dhe avancimi i të drejtave të njeriut, barazisë gjinore dhe mundësive të barabarta;
• Shenimi dhe organizimi i aktiviteteve me rastin e diteve nderkombetare per të drejtat e njeriut , fëmijës, te drejtat e komuniteteve dhe barazi gjinore
• Organizimi i fushatave vetedijesuese kundër trafikimit me qenje njerëzore, kunder bulizmit, kunder braktisjes se shkolles dhe kunder puneve te renda te femijeve
• Menaxhimi dhe administrimi sistemit të teknologjisë informative dhe sistemit kompjuterik të administratës komunale;
• Menaxhimi dhe administrimi  i punëve të përbashkëta të shërbimit të përkthimit, lekturimit;
• Koordinimi i të gjitha aktiviteteve në lidhje me akomodimin brenda ndërtesës si dhe menaxhimi i kontratat për furnizime që ndërlidhen me logjistikën dhe çështjet që ndërlidhen me kompetencat e drejtorisë;
• Shërbimet e logjistikës, furnizimit, depos, pranimit të mallrave si dhe mirëmbajtjes teknike të objektit të komunës;
• Bën pranimin, evidentimin, ruajtjen dhe mundëson shfrytëzimin e materialit arkivor për hulumtime shkencore, për punë profesionale si dhe nevoja tjera të cilat janë në interes të institucionit;
• Regjistrimi i dokumenteve/lëndëve sipas njësive organizative, viteve dhe llojit në librin arkivor, që është pasqyrë e të gjitha lëndëve dhe materialit të arkivuar;
• Kryen edhe punë të tjera, në përputhje me ligjet e aplikueshme në kuadër të fushë veprimtarisë së Drejtorisë.

Në kuadër të drejtorisë për administrate të përgjithshme bëjnë pjesë sektorët si vijojnë:

• • • Sektori për gjendje civile;
    • Qendra për shërbim me qytetarë;
    • Sektori për punë të përbashkëta dhe teknologji informative;
    • Sektori për logjistikë dhe furnizim;
    • Sektori për të drejtat e njeriut dhe barazi gjinore
    • Sektori për arkiv