Të nderuar qytetarë të Komunës së Vushtrrisë,
Gjatë këtyre ditëve të nxehta të korrikut, Komuna e Vushtrrisë po përballet me temperatura të larta të ajrit, të cilat ndikojnë në rritjen e rrezikut për shfaqjen dhe përhapjen e vrullshme të zjarreve në sipërfaqe të hapura, malore dhe fushore.
Duke qenë se jemi në sezonin e korrje-shirjeve, ekziston një rrezik i shtuar për zjarrvënie në hamullore dhe në mbetjet e kashtës dhe të barishteve të thata.
Me qëllim të parandalimit të rrezikut nga zjarri dhe për të mbrojtur jetën e qytetarëve, pronën, ambientin, florën dhe faunën e Komunës së Vushtrrisë, APELOJMË te të gjithë qytetarët, institucionet publike dhe private që të jenë të kujdesshëm dhe vigjilentë për të shmangur të gjithë shkaktarët e mundshëm të zjarrit.
Gjithashtu, apelojmë që për çdo rast të zjarrit të njoftoni menjëherë dhe të ndihmoni në shuarjen e tij në fazën e parë të përhapjes, kudo që ai mund të paraqitet.
Lajmërimi mund të bëhet pa pagesë në numrin emergjent 112.
Reagimi në rastet e rrezikut dhe të kërcënimeve ndaj sigurisë publike është detyrë dhe obligim qytetar për secilin prej nesh!
Drejtoria për Mbrojtje dhe Shpëtim!
