Sipas tij, ky buxhet i planifikuar shënon rënie të të hyrave nga grandet qeveritare, përderisa shënon rritje nga të hyrat vetanake të cilat janë mbi 450 mijë euro. Kryesuesi i kuvendit, Ferit Idrizi, ka njoftuar qytetarët se kjo qarkore buxhetore ka kaluar në procedurat e komisionit për politikë dhe financa, për t’u proceduar në seancat e kuvendit komunal. Sipas Idrizit janë të paraparë edhe dy dëgjime tjera publike, të cilat planifikohen të mbahen në muajin gusht, në të cilat qytetarët, pjesëtarët e shoqërisë civile, komunitetet e lagjeve të fshatrave, mund t’i paraqesin nevojat e tyre për të investuar dhe vënë në prioritetet e Komunës të përfshira në buxhet. “ Ftoj qytetarët për të marrë pjesë në këto dëgjime publike, në mënyrë që të bëjmë një planifikim sa më të mirë të buxhetit komunal, dhe të jetë në interes të qytetarëve. Qytetarët duhet të jenë pjesë aktive e këtij planifikimi ” ka thënë kryesuesi i kuvendit Idrizi. Ai ka falenderuar posaçërisht USAID-in për ndihmën e vazhdueshme që po jep për institucionet komunale për të pasur një performancë sa më të mirë të tyre si dhe fuqizimin e transparencës karshi qytetarëve.
Në sallën e Kuvendit Komunal të Vushtrrisë, të mërkurën është mbajtur tubimi publik me qytetarë, ku është diskutuar për Qarkoren buxhetore lidhur me prioritetet e Komunës, e që do të përfshihen në Kornizën Afatmesme Buxhetore për vitin 2012. Me këtë rast drejtori i Drejtorisë për Buxhet dhe Financa, Isuf Jashari, dha sqarime para qytetarëve rreth planifikimeve buxhetore për vitin 2012. “ Qarkorja buxhetore për buxhetin e viti 2012, si buxhet fillestar ka planifikuar të jetë në vlerë prej 12.492.511 milion euro, gjersa investime kapitale janë planifikuar rreth 4 milion euro ” ka thënë Jashari.
