Kryeministri në dorëheqje Hashim Thaçi, bashkë me kryetarin e komunës së Vushtrrisë Bajram Mulaku, të martën mbrëma në fshatin Balinc kanë vënë gurin themeltar të Fabrikës më përpunimit të ujit të pijshëm për qytetarët e Vushtrrisë.
Ky investim kapital, kryeministri Thaçi tha se do të zgjidh përgjithmonë problemi i ujit të pijes në Vushtrri. “Janë investuar mbi 8.2 milion Euro për këtë projekt të madh i cili përgjithmonë do të zgjidh çështjen e furnizimit me ujë të pijes për qytetarët e Vushtrrisë”, ka thënë Thaçi duke uruar vushtrriasit për këtë projekt të filluar tani dhe që pritet të përfundoj brenda periudhës tre vjeçare. Përmes Ministrisë së Ekonomisë dhe financave, mjetet financiare për këtë investim, janë ndarë nga buxheti i Kosovës.
Kryetari i komunës Bajram Mulaku, këtë projekt të ujit të pijes e ka vlerësuar projektin më të madh dhe me të rëndësishëm që prej se është kryetar komune. “Uroj që në vitin 2012 të bëhemi me ujë të pijes për të gjithë banorët e Vushtrrisë, nga ky ujësjellës i veçantë vetëm për Vushtrrinë.
Ndërtimi i fabrikës për përpunimin e ujit, gjegjësisht ujësjellësit të veçantë për qytetarët e Vushtrrisë, do të kushtoi rreth 8 milion e 270 mijë Euro, ndërkaq ndërtimin e tij do ta bëjë konsorciumi NN R&Rukolli- TBW – Technische Buro Werner.
Për këtë projekt i cili do zgjas së paku dy vite janë ndarë 8 milion e 270 mijë Euro
