Kryetari i Komunës së Vushtrrisë, Ferit Idrizi, ka bërë të ditur se ka marrë vendim që Drejtoria për Administratë të Përgjithshme të ofrojë shërbime edhe të shtunave për bashkatdhetarët, nga data 5 korrik deri më 31 gusht, prej orës 09:00 deri në 14:00.
Po ashtu, gjatë ditëve të zakonshme të punës, shërbimet do të jenë në dispozicion edhe gjatë orarit të pauzës.
“Të dashur bashkatdhetarë, mirë se vini në Vushtrri”, tha kryetari Idrizi.
Gjithashtu, edhe këtë vit me vendim të kryetarit Idrizi, është lejuar shfrytëzimin pa pagesë i oborreve të disa shkollave në qytet për parkimin e veturave të bashkatdhetarëve gjatë korrikut dhe gushtit.
