Manifestimi “Ditët e Hasan Prishtinës”, kushtuar patriotit kombëtar, sërish do të mbahet këtë vit në Vushtrri për të dytën herë me radhë. Drejtuesit e Komunës së Vushtrrisë kanë thënë se kanë për qëllim që ky manifestim të bëhet tradicional dhe gjithë kombëtar. Jemi të përkushtuar dhe kemi për objektiv që qyteti i Vushtrrisë të jet nikoqir dhe ta bëjë tradicional këtë manifestim kushtuar patriotit kombëtar Hasan Prishtina, tha Xhevahire Izmaku nënkryetare e komunës e cila është në krye të Këshillit organizativ të këtij manifestimi.
Ndërkaq Qamil Sahiti drejtor i Kulturës dhe sportit ka bërë të ditur se këtë vit manifestimi dy ditor do të ketë më shumë aktivitete kulturore e letrare kushtuar patriotit Prishtina.
Këshilli organizativ i këtij manifestimi të premten ka vendosur që këtë vit që ky eveniment me karakter kulturor dhe historik do të mbahet me 10 e 11 dhjetor.
Drejtuesit e Komunës së Vushtrrisë kanë thënë se kanë për qëllim që ky manifestim të bëhet tradicional dhe gjithë kombëtar
