Kryetari i komunës së Vushtrrisë Bajram Mulaku dhe Mehdi Pllashniku u.d i kryeshefit të Agjensionit për Regjistrimin e Biznesit në MTI, të martën kanë përuruar Qendërn komunale për regjistrimin e bizneseve në Vushtrri.
Realizimin e këtij projekti Mulaku e ka vlerësuar si shumë të rëndësishëm edhe sa i përket zhvillimit ekonomik. “Kjo qendër do të u mundësojë qasje të drejtpërdrejt bizneseve në regjistrim e dokumentacione tjerë. Uroj të gjithë punëtorët e kësaj qendre duke u dëshiruar që të jenë gjithherë në shërbim të bizneseve”, ka thënë Mulaku.
Ndërkaq përfaqësuesi i Agjensionit për regjistrimin e bizneseve në MTI, tha se hapja e kësaj qendre do të ofroj informata më të mëdha për bizneset. “Qendra është e dobishme në dy aspekte, e para lehtëson
kushtet për regjistrimin dhe uljen e kostos së regjistrimit dhe e dyta që
komuna na ana e saj ka qasje më të shpejt në të gjitha informatat e kësaj
lëmie të ekonomisë së tregut”, tha Mehdi Pllashniku u.d i kryeshefit të Agjensionit për Regjistrimin e Biznesit në MTI. Të martën edhe zyrtarisht biznesin e tij në këto zyrat e Qendrës së regjistrimit të bizneseve në Vushtrri, e ka regjistruar qytetari Naim Zenjullahu.
Sipas drejtorit të Drejtorisë komunale për Ekonomi Bujqësi e zhvillim rural Nasuf Aliut, QKRB përveç regjistrimit, mund të ofroj edhe udhëzime dhe këshilla si dhe të kujdeset për ndryshimet, hapjen e njësive të reja por edhe kërkesat administrative që kanë të bëjnë me bizneset e komunës së Vushtrrisë.
“Me fillimin e punës së kësaj qendre, stafi do të përgatisë një broshurë e cila do t’ju ofrojë ndihëm dhe udhëzime të nevojshme rreth të gjitha aspekteve të lidhura me fillimin ose operimin e një biznesi në Komunën e Vushtrrisë”, përfundoi Aliu.
“Kjo qendër do të u mundësojë qasje të drejtpërdrejt bizneseve në regjistrim e dokumentacione tjerë. Uroj të gjithë punëtorët e kësaj qendre duke u dëshiruar që të jenë gjithherë në shërbim të bizneseve”, ka thënë kryetari i komuinës Bajram Mulaku
