Në një konkurrencë prej 34 poeteve, me arsyetimin se poezitë nuk kanë pasur ndonjë vlerë shumë të theksuar letrare, juria në përbërje prof. dr. Rifat Ismajli shkrimtar, Xhevahire Izmaku poete dhe Bedri Tahiri shkrimtar, ka vendosur që të mos ndajë fare çmimin për vendin e parë. Mos ndarjen e çmimit të parë, z. Ismajli e ka arsyetuar se poezitë pjesëmarrëse nuk kanë pas ndonjë vlerë shumë të theksuar letrare. "Ne si juri kishim dilema të thella se ne atë që lexuam, që shqyrtuam nuk pamë ndonjë vlerë shumë të theksuar letrar, ndonjë ide ndonjë mesazh karakteristik universal që e bënë poezinë të përjetshme të pavdekshme, prandaj edhe vendosëm që edhe çmimi i parë këtë herë të mos ndahet", është shprehur Rifat Ismajli në emër të jurisë. Edhe e profesori në Universitetin e Prishtinës Salih Bashota i cili ka përcjell orën letrare tha se në bazë të asaj që ka prezantuar juria, në bazë të kësaj konkurrence ende nuk është arritur niveli për vendin e parë, sepse këtu ka poete të mira që kanë vjersha në shumë se në vendin e parë por që nuk janë prezantuar në këtë takim e ndoshta kanë dashur ti japin ndoshta hapësirë poeteve të reja. Ai po ashtu ka përgëzuar Vushtrrinë për këtë manifestim të veçantë në fushën e poezisë. "Duke ditur fakti se është shumë vështirë të organizohet qoftë në Kosovë, Shqipëri e Maqedoni të organizohet aktivitete kulturore qoftë letrare e sidomos për poezinë, përgëzoj komunën e Vushtrrisë për këtë organizim por edhe për këtë barrë të madhe që ka marrë", është shprehur Bashota.
Ndërkaq vlerësimin me vendin e dytë, në fakt bashkë me poeten korçare si poezitë më të mira, poetja Afërditë Imeri Haliti e ka vlerësuar nder për të por edhe për poezinë që u prezantua në këtë konkurs të poezisë. "Cmimi që mu dha është një nder u madh për mua, jam e kënaqur me këtë çmimi, por mbi të gjitha jam e kënaqur për këtë takim me të gjitha poetet tjera. Sepse në fakt zëri ynë femëror do të jetë një zë i fuqishëm në integrimin e shoqërisë evropiane. Të gjitha poezitë të cilat janë lexuar në orën e madhe letrare kanë vlera të veçanta dhe në fakt janë një koncept i ri për lirinë e individit e sidomos për lirinë e femrës", ka thënë poetja Haliti.
Përveç ndarjes së çmimeve në ditën e dytë të manifestimit është mbajtur edhe tribuna me temën "Feminizmi si përballje e botës krijuese" ku tribuna është udhëhequr nga prof dr. Sali Bashota, derisa me kumtesat e tyre janë paraqitur Dr. Sala Ahmeti dhe shkrimtari nga Kukësi Petrit Palushi.
Në përmbyllje të gjithë manifestimit Xhevahire Izmaku kryetare e këshillit organizativ të këtij manifestimi tha se përveç arritjes së qëllimit që tashmë ky manifestim është gjithëkombëtarë, synimi është që të rritën edhe më shumë vlerat artistike të tij.
Poezia "Piano e bardhë e hënës, piano e thyer" e poetes korçare Mariklena Niço dhe poezia "dialog me dashurinë", e poetes prishtinase Afërditë Imeri Haliti kanë ndarë çmimin e dytë në konkursin letrar të poezisë Takimet e Poeteshave Shqiptare manifestim ky që për dy ditë u mbajt në Vushtrri. Ndërkaq edhe vendi i tretë është ndarë mes poetes së re durrsake Kejdi Sejdiu me poezinë "Ti u ngjan të gjithë burrave" dhe poetes vushtrriase që jeton në Gjermani Sevëme Fetiqi me poezinë "Kënga e lulediellit".
