Në kuadër të një vlerësimi të jashtëm, gjegjësisht nga USAID-i Kuvendi Komunal i Vushtrrisë është vlerësuar më transparenti në Kosovë. Kjo është bërë në kuadër të grandeve stimuluese të programit të USAID-it për komuna demokratike dhe efektive, ku KK është shpërblyer me 25 mijë Dollar amerikan.
Përveç vlerësimit shumë pozitiv për transparencën në Kuvendin Komunal, Mulaku tha se kjo është një inkurajim i mirë i Komunës së Vushtrrisë që të rris performancën e saj edhe në sektorë tjerë.
Edhe Ferit Idrizi kryesues i KK e vlerëson shumë të rëndësishëm këtë vlerësim për punën e Kuvendit Komunal në të ardhmen.
Ndërkaq Blerim Zhabari, zyrtar për informim në komunë vlerëson se ky nuk është vlerësimi i parë pozitiv që i bëhet komunës së Vushtrrisë për transparencë. “Edhe në një raport të monitorimit të punës së komunave për vitin 2008 nga MAPL-ja Vushtrria është vlerësuar njëra prej komunave më transparente, por tani ky është një vlerësim i jashtëm nga një organizatë mjaftë prestigjioze sic është USAID-i”, ka thënë Zhabari. Në këtë monitorim është vlerësuar vënia në dispozicion të publikut kryesisht në ueb faqe zyrtare të komunës e vendimeve dhe dokumenteve tjera të Kuvendit Komunal, si procesverbalet komplete të mbledhjeve, rregulloreve dhe planit të punës të KK-së.
Dje në një ceremoni në Prishtinë ministri i Administrimit të Pushtetit Lokal, Slobodan Petrovic, së bashku me ushtruesin e detyrës së drejtorit të misionit të USAID-it në Kosovë, Craig Buck kanë bërë ndarjen e shpërblimeve për 18 komuna të Kosovës bazuar në rezultatet e performancës dhe arritjet komunale.
Është një inkurajim i mirë i Komunës së Vushtrrisë që të rris performancën e saj edhe në sektorë tjerë, tha Mulaku
