Shkelzen Xhaferi

Shkelzen Xhaferi, i lindur me 13.09.1987 në fshatin Doberllukë.

Shkollimi :

Shkollën fillore e kreu ne shkollën “Enver Hadri” në Smrekonice,
Shkollën e mesme e kreu në Gjimnazin “Eqrem Cabej” ne Vushtrri,(gjate kësaj kohe prezantoj gjimnazin ne garën ndërkombëtare për gjimnazistet e rinj europian qe u mbaj në Marsejë te Francës).
Ka diplomuar ne Fakultetin Ekonomik-Dega Menaxhment dhe Informatikë në Universitetin e Prishtinës.
Aktualisht z. Shkelzen Xhaferi vazhdon studimet Master.
Është i certifikuar nga NDI ( National Democratic Institute), ne programin “Liderët e se ardhmes”
Trajnime profesionale ne lëmine e ekonomisë, kontabilitetit dhe protokollit nga organizata te ndryshme.

Përvoja :

Nga viti 2007 kontabilist ne disa firma private
Ne vitin 2015-2017, inspektor në ATK (Administratën Tatimore te Kosovës)
Nga viti 2017-2021, pjese e Kabinetit te kryetarit në Vushtrri
Me datën 08.03.2021 me vendim të Kryetarit të Komunës së Vushtrrisë z. Xhafer Tahiri emërohet si Drejtor i Drejtorisë për Shërbime Publike

Politika :

Pjese aktive ne LDK (Lidhja Demokratike e Kosovës), Dega ne Vushtrri nga viti 2007
Fillimisht si anëtar i kryesisë se Forumit Rinor LDK 2009-2021
Kryetar i Nen-degës Doberllukë 2010-
Anëtar i kryesisë LDK Vushtrri 2020-
Zëdhënës LDK Vushtrri 2020-

Shkelzeni jeton në fshatin Doberllukë me prindërit, bashkëshorten Emrahen dhe vajzën Ajna.

Të drejtat dhe detyrat e anëtarëve të kuvendit të komunës

Të gjithë anëtarët e kuvendit të komunës kanë të drejta dhe mundësi të barabarta të marrin pjesë plotësisht në punimet e kuvendit. Kuvendi i komunës siguron që këto të drejta dhe mundësi të parashikohen në Statutin dhe në rregulloren e tij të punës.

Anëtari i kuvendit të komunës ka të drejtë të kërkojë informacione lidhur me çështjet komunale nga kryetari, apo nga zëvendës kryesuesi i komitetit. Kërkesa shqyrtohet në pajtim me procedurat që do të përcaktohen në Statut dhe Rregulloren e punës.

Anëtari i kuvendit të komunës mund të dorëzojë vërejtje me shkrim, të cilat i bashkëngjiten procesverbalit.

Anëtari i kuvendit të komunës mund t’iu drejtohet të pranishmëve në cilindo komision të kuvendit të komunës anëtar i të cilit nuk është, por nuk mund të votojë. Ai apo ajo mund t’i propozojë kryesuesit të komitetit që të diskutohet ndonjë çështje që është përgjegjësi e komitetit.

Anëtari i kuvendit të komunës mund të kërkojë nga kryetari informacione që janë të nevojshme për punën e tij si këshilltar. Nëse nuk është i kënaqur me përgjigjen, ai apo ajo mund ta ngritë çështjen në kuvendin e komunës.

Anëtari i kuvendit të komunës lejohet të mungojë nga vendi i punës për periudha kohore që janë të domosdoshme për kryerjen punëve të kuvendit .

Kuvendi i komunës, në pajtim me Statutin e komunës dhe me udhëzimet e nxjerra nga qeveria qendrore, mund t’iu ofrojë kompensim anëtarëve të kuvendit për punën e tyre në kuvendin e komunës.

Anëtarët e kuvendit të komunës detyrohen të marrin pjesë në të gjitha mbledhjet e kuvendit, të thirrura në mënyrë të duhur në komisionet ku ata janë anëtarë, përveç rasteve kur ekzistojnë arsye të justifikueshme për mungesën e tyre.

Përgjegjësit

How do I ?

Si mund të?