Drejtoria për Administratë të Përgjithshme, Sektori i Gjendjes Civile, përveç regjistrimeve në regjistrat e gjendjes civile, lëshimit të dokumenteve ka kryer edhe punët si përcjellja e raporteve të ndryshme që ndodhin në rastin e lidhjes së martesës apo shkurorëzimeve, në lidhje me përmirësimin dhe ndërrimin e shënimeve personale në regjistrat e gjendjes civile, plotësimin e statistikave, raporteve periodike për Entin statistikor, komunën dhe ministrinë përkatëse, aplikimin për humbje dhe fitim të shtetësisë, regjistrimin dhe ç’lajmërimin e vendbanimeve, përpilimin e deklaratave si dhe lëshimin e dokumenteve tjera të ndryshme që kanë të bëjnë me gjendjen civile. Ky sektor sipas shefit të tij Bekim Selmanit, regjistron në regjistrat e gjendjes civile dhe në bazën e të dhënave elektronike të gjendjes civile si dhe aplikohet ofrimi i shërbimeve on-line për të gjitha dokumentet e gjendjes civile.
“Për vitin 2011 gjithsej nga sektori ynë janë lëshuar 70.999 certifikata të ndryshme, nga të cilat 56.917 me pagesë, gjersa 14.082 pa pagesë për qytetarët” thotë shefi i Sektorit të Gjendjes Civile Bekim Selmani. Sipas tij numri më i madh i kërkesave të lëshuara janë certifikata të lindjes gjithsej 29.610, pastaj certifikata të vendbanimit 14.214, certifikata të shtetësisë 12.806 etj. “Gjatë vitit 2011 janë bërë gjithashtu edhe 13.487 regjistrime nga të cilat 12.086 janë regjistrime të shtetësisë” thotë Selmani. Nga marsi i vitit 2009 në regjistrat tanë të shtetësisë janë 34704 regjistrime, gjersa gjithsej janë 623 qytetarë që kanë humbur shtetësinë.
Në Komunën e Vushtrrisë përkatësisht në Sektorin e Gjendjes Civile, qytetarët për t’u pajisur me dokumente të këtij sektori nuk presin më gjatë se 2-5 minuta
Në vitin 2011 janë lëshuar 70 999 certifikata të ndryshme, nga sektori i gjendjes civile
