Vala e 56 e privatizimit nga AKP-ja ka përfshirë edhe pronën e paluajtshme të NSH “Extra”, parcela nr. 2045/2 në sipërfaqe prej 4 hektarë e 40 ari. Ishin të kota kërkesat e pushtetit lokal që pronën në fjalë ta këmbejë me pronat tjera me AKP-në siç ishte i kot edhe vendimi i Kuvendit Komunal i vitit 2008, i cili atë parcelë e cila gjendet në vet qytetin e Vushtrrisë e ka shpallur zonë e interesit publik. Në njërën nga shkresat e fundit të komunës, të adresuar zyrës rajonale të AKP-së në Mitrovicë, ndër të tjera thuhet: “Lidhur me sqarimet shtesë për arsyeshmërinë e nevojës publike ia kemi ofruar vendimin e Kuvendit të Komunës me të cilin është aprovuar Plani Zhvillimor Urban 2009-2014, e me të cilin parashihet që në atë parcelë ndërtimi i shkollës”. Komuna në arsyeshmërinë për kërkesën e tillë përmend mungesën e objektit shkollor në atë pjesë të qytetit të popullarizuar si dhe rreziku i nxënësve të asaj ane, të cilët për të shkuar në shkollat tjera në qytet përveç lartësisë kanë edhe rrezikun e kalimit të rrugës mjaft të frekuentuar të magjistrales Mitrovicë-Prishtinë. Komuna gjithashtu ka njoftuar AKP-në përmes shkresave për planifikim buxhetor komunal për vitin 2013-2014, për ndërtim të objektit shkollor. “Nga AKP-ja kërkojmë që pronën e NSH “Extra”, sipas fletës poseduese në 1039 ngastra kadastrale nr. 2045/2 në vendin e quajtur “Selishtë” në kulturë, kullosë klasa e 2-të në sipërfaqe prej 4.57.37 ha ta përjashtojmë nga procesi i privatizimit”
Avokatja e komunës Arjeta Sadiku thotë se te kota ishin kërkesat e komunës për këmbim të pronave me AKP-në edhe pse atyre u është ofruar për të zgjedhur prona tjera këmbyese duke ua dorëzuar Hartën Kadastrale për pronat komunale, letër deklarimet nga Drejtoria për Gjeodezi Kadastër dhe Pronë, Planifikimin Buxhetor dhe konfirmimin e Ministrisë së Arsimit për nevojën e ndërtimit të objektit të shkollës fillore në lokacionin gjegjës. Një kërkesë drejtuar AKP-së për këmbim të pronave të paluajtshme, komuna përmes Drejtorisë Komunale të Gjeodezisë Kadastrit dhe Pronës e ka bërë qysh më datën 21.12.2012. Aso kohe drejtori i kësaj drejtorie Nezir Klinaku i drejtohet kryetarit të bordit të AKP-së, të ndjerit Dino Asanaj për të negociuar dhe këmbyer pronat pasi Komuna e Vushtrrisë ka mungesë të madhe të pronës e cila do të mund të shfrytëzohej për ndërtim të objekteve me interes publik konform Ligjit për dhënien në shfrytëzim dhe këmbim të pronës së paluajtshme. Të kota ishin kërkesat dhe ofertat e zyrtarëve lokal në mënyrë që në lokacionin e përmendur ta realizojë projektin e ndërtimit të shkollës dhe objekteve tjera pasi AKP-ja nuk i përfilli dhe në valën e 56-të, të privatizimit e ka qitur në shitje parcelën në fjalë.
Ishin të kota kërkesat e pushtetit lokal që pronën në fjalë ta këmbejë me pronat tjera me AKP-në siç ishte i kot edhe vendimi i Kuvendit Komunal i vitit 2008, i cili atë parcelë e cila gjendet në vet qytetin e Vushtrrisë e ka shpallur zonë e interesit publik
