Në kuadër të rekomandimeve për kompetentët Halimi përmend rritjen e bashkëpunimit ndërmjet këshillit të prindërve dhe arsimtarëve; Rritja e vetëdijes për rëndësinë e arsimit në mesin e familjeve; Promovimi i shkollave si një mjedis mbrojtës për vajzat nxënëse; Ngritja e vetëdijes për rëndësinë e vijimit të shkollës; Identifikimi i lidhjes në mes sistemit shkollor dhe tregut të punës; Zbatimi i ligjit mbi arsimin fillor si dhe krijimi i një fondi institucional për mbështetje financiare të vazhdimit të shkollimit për nxënësit me kushte të rënda ekonomike. Halimi në fund të konferencës ka përshëndetur aktivitetet e DKA-së Vushtrri, e cila ka siguruar bartjen e nxënësve të cilët udhëtojnë mbi 4 km, nga fondet e veta
Në tri shkollat e mesme të komunës së Vushtrrisë gjatë vitit shkollor 2010/2011, shkollimin e kanë braktisur 109 nxënës, gjersa në 12 shkollat fillore të hulumtuara ishin 15 nxënës. Kështu u tha në konferencën për shtyp të organizuar nga Ajnishahe Halimi- drejtoreshë e OJQ “PREHJA”, hulumtim ky i kryer në kuadër të realizimit të projektit “Vlerësimi i nivelit si dhe adresimi i çështjes së braktisjes së shkollës nga nxënësit në Komunën e Skënderajt dhe Vushtrrisë”, i mbështetur nga Qendra Rajonale e OSBE-së në Mitrovicë.
Halimi në këtë konferencë si brengë shqetësuese ka paraqitur edhe transferet e nxënësve dhe mungesat e formularve adekuat, ku dëshmohet se në cilën shkollë është transferuar nxënësi. Sa i përket gjinisë së nxënësve që kanë braktisur shkollimin e mesëm 70% e tyre nga gjimnazi “Eqrem Çabej” janë femra, gjersa në shkollat fillore 95%.
