Familja Bahtiri përmes kompanisë së tyre “Mitro Fresh” në Holandë në qytetin e Hagës ka ndihmuar 31 familje skamnore vushtrriase me nga një pako ushqimore. Ai këtë donacion humanitar i cili nuk është i pari e realizoi në bashkëpunim me Komunën e Vushtrrisë, përkatësisht Drejtorinë Komunale të Shëndetësisë dhe Mirëqenies Sociale. Në realizimin e këtij aktiviteti humanitar nga kjo familje bujare ka kontribuar deputetja e Kuvendit të Republikës së Kosovës – Xhevahire Izmaku. Kostoja financiare e këtij kontributi humanitar kap shifrën e afro 2000 eurove. “Për çdo vit unë me familjen dhe kompaninë nëpër komunat e Kosovës realizoj aktivitete të tilla humanitare dhe në këtë vit pas bisedës me deputeten Izmaku vendosa ta përzgjedh Vushtrrinë”, thotë pronari i kësaj kompanie Agim Bahtiri. Ai shprehu kënaqësinë që ka arritur të ndihmoj skamnorët në Vushtrri.
“Po e shoh që nevoja është e madhe për një numër të familjeve për t’u ndihmuar dhe ne si familje, por edhe si grupe të biznesit në Holandë do të jem më pranë tyre me ndihma u shpreh Bahtiri. Ai gjithashtu ka apeluar tek biznesmenët tjerë anekënd Evropës e që janë bashkatdhetarë tanë për të shtuar aktivitetet e tilla humanitare, në mënyrë që qytetarët tanë ta përballojnë më lehtë varfërinë. “Në pakot të cilat familjet skamnore kanë marrë nga ky humanitar janë të përfshirë artikujt elementar të domosdoshëm për jetë. Vlera e një pakoje ka qenë 62 euro. Për kontributin humanitar të familjes Bahtiri, dhënë qytetarëve të Komunës së Vushtrrisë e ka falënderuar edhe i pari i komunës Bajram Mulaku. “Në emër të Komunës së Vushtrrisë, qytetarëve të saj përshëndes aktin e tillë human të këtij bashkatdhetari, si dhe gatishmërinë e shprehur të tyre për të vazhduar me aktivitete të tilla” u shpreh Mulaku.
Agim Bahtiri nga kompania Mitro Fresh nga Holanda, thotë se ka kënaqësinë që ka arritur të ndihmoj skamnorët në Vushtrri
