Kryetari I fshatit Skromë Murat Ademi, i cili vazhdimisht i rrinte pranë punëtorëve të kompanisë theksoi “Sot kemi filluar të hapim rrugën nga Skroma drejt Vesekocit për të depërtuar mbi 800 metra dhe nuk do të ndalemi gjer të arrijmë te caku i synuar” tha Ademi. Kryetari I Shtabit Emergjent Naim Hyseni theksoi që gjendja e rrugëve në tërë territorin e Komunës së Vushtrrisë po normalizohet, gjersa ai ka falënderuar kompanitë vullnetare të cilat kanë hapur rrugë nga bora gjatë këtyre ditëve . Ndryshe në qytetin e Vushtrrisë ka filluar me të madhe aksioni për pastrimin e rrugëve dhe trotuareve nga bora. Aksioni po drejtohet nga zëvendëskryetari i Shtabit të Emergjencës Sami Istrefi “Rrugët jo vetëm që po pastohen por bora e mbedhur po largohet me makinerinë përkatëse” tha Istrefi. Nesër zjarrëfikësit do të fillojnë aksionin për pastrimin e pullazeve të objekteve të cilat paraqesin rrezik për qytetarët pasi që gjenden në rrugët publike të qytetit.
Kryetari i Komunës të Vushtrrisë B.M në bashkëpunëtorë ,sot ka vizituar fshatrat e Shalës së Bajgorës të cilat para ca ditëve ishin të bllokuara nga bora . Ai përgëzoi kompaninë që pastronte dhe hapte rrugën nga fshati Skromë drejt fshatit Bozhlan dhe Vesekoc. “Në Komunën e Vushtrrisë janë disa fshatra që kanë qenë të izoluara nga bora. Me gjithë telashet që ka pasur kompania “Shkoza” rrugët po happen. Shresoj që së shpejti ta lirojmë rrugën për qarkullim në fshatin më të lartë të Shalës .” tha Mulaku.
