Shtabi Emergjent i Komunës së Vushtrrisë, krahas aktiviteteve të nërmarra në kordinimin e aksioneve për hapjen dhe pastrimin e rrugëve dhe shesheve nga bora, aktivitetet po i zhvillon edhe në shpërndarjen e ndihmave humanitare për banorët e izoluar nga bora, por edhe ata të cilët kanë nevojë dhe kanë vështirësi në qarkullim. Sipas anëtarit të këtij shtabi Naim Ferizit, kërkesa për ndihma sociale ka në masë të madhe nga qytetarët e kësaj komune. ”Gjer në ditën e sotme janë 73 familje që kanë përfituar ndihma në ushqim e artikuj të tjerë të domosdoshëm, që nga koha kur kryetari i komunës Bajram Mulaku ka ngritur shkallën e gatishmërisë emergjente ” thotë Ferizi.
Sipas tij tek familjet e rrezikuara nga bora, kanë arritur 58 pako emergjente, vlera e të cilave kap shumën e 50 eurove. Ai lidhur me vazhdimin e aksionit humanitar në këtë gjendje emergjente thekson: ” Shtabi emergjent ka marrë vendim për të vazhduar aksionin humanitar në përkrahje të qytetarëve me nevoja emergjente” thekson Ferizi.
