Padyshim që përafrimi i instituioneve lokale me qytetarët përmes komunikimit të vazhdushëm është synim që asnjëherë të mund të arrijë maksimumin komuna e Vushtrrisë, përkatësisht sektori i saj i informimit dhe komunikimit me publikun ka arritur një standard i cili premton per t’u zhvilluar, për të arritur nivelin e vendeve të zhvilluara. Komuna e Vushtrrisë tashmë ka të instaluar dhe bërë praktikë të komunikimit direkt me qytetarët përmes pasqyrimeve publike në vendet publike dhe tabelat e komunës për të gjitha vendimet, rregulloret, thirrjet etj. Po në ato vende qytetarët kanë pasur e do të kenë mundësi t’i shohin të gjitha projektet e parapara për realizim nga investimet kapitale per vitin kalendarik me gjithë kostot e tyre financiare prezantohet gjithashtu edhe buxheti i komunës në formë të shkurtër tabelare, ku qytetari sheh qart destinacionin e mjeteve buxhetore të shpërndara siç sheh edhe planifikimin e të hyrave vetanake. Web-faqja komunale mirëmbahet dhe freskohet duke pasqyruar me të gjitha: Planet e punës së kryetarit të komunës, planin e punës së kuvendit, planet e punës së drejtorive komunale, duke përfshirë edhe të gjitha raportet e punës. Aty qytetari i gjen edhe të gjitha rregulloret e aprovuara në kuvend, procesverbalet e mbledhjeve të Asamblesë Komunale dhe dokumentacionin tjetër relevant. Po në këtë faqe, me iniciativë të këtij sektori dhe urdhëresë e të kryetarit të komunës është hapur edhe këndi i opozitës në Kuvendin Komunal si dhe këndi i komuniteteve pakicë, në të cilën furnizues të tyre janë vetë opozita dhe komuniteti pakicë. Në ballinë të kësaj web-faqe qëndron edhe këndi nga ku qytetarëve iu mundësohet të kenë qasje në dokumente zyrtare të komunës përmes kërkesës elektronike. Një kaptinë e veçantë i kushtohet hartimit të lajmeve ditor, pasi mendojmë që lajmi për të qenë tërheqës duhet të jetë i saktë në kohë dhe cilësi. Në dëgjimit publike qofshin ato të përcaktuara me ligj apo edhe atyre të organizuara nga institucionet lokale me grupe qytetarësh apo grupe të interesit qytetar vazhdimisht prezentojmë me formën elektorinike realizimet dhe investimet e kryera gjithmonë duke vënë dukje koston financiare të projekteve të realizuara si dhe aktivitetet komunale. Në web-faqen e komunës gjithashtu ekziston edhe këndi i video-galerisë. Aty qytetarët në formë pamore mund të shohim aktivitetet komunale, punën e kuvendit komunal, realizimin e investimeve komunale dhe storie tjera të realizuara, duke përfshirë edhe dokumentarë gjithmonë të realizuara me motivin për të qenë tërheqës për qytetarët. Kuvendi Komunal përveç në formën klasike të prezentimit, puna e tij prezentohet direkt nga radioja lokale dhe format tjera të prezentimit.
Fletpalosjet, buletini komunal dhe rrjeti social
Sektori Komunal i Informimit dhe Komunikimit me publikun veq formave tjera, me qytetarët komunikon edhe përmes fletpalosjeve të hartuara për qëllime dhe objektive të caktuara siç ishte ajo ku pasqyrohen realizimi i buxhetit komunal për vitin e përfunduar kalendarik, ajo e dëgjimeve publike, për ambientin etj. Shpërndarja e tyre bëhet me vendosjen në vendet publike por edhe nga organizatat rinore. Këtë vit mendojmë të shtojmë angazhimin për të pasur edhe më shumë fletpalosje të tilla të cilat do ta mbulojnë të tërin aktivitetin e komunës dhe Kuvendit Komunal. Komuna e Vushtrrisë, përaktësisht sektori i saj i informimit dhe komunikimit me publikun ka vite që nxjerrë buletinin e saj vjetor, përkatësisht revistën “Viciana”. Në kushtet ekzistuese përkundër dëshirës që ky buletin të jetë së paku mujor, mundësitë fizike dhe angazhimet nuk po mundësojnë një zhvillim të tillë. Gjithashtu nxjerrja e një buletini të tillë (i cili do ta kryente funksionin më së mirë po të ishte javor madje edhe ditor) ka një kosto shpenzuese të nxjerrjes së saj konform një standardi të caktuar. Lidhur me shpërndarjen e tij nuk ka pasur asnjëherë problem, pasi ekzemplarët e tij qytetarët e Vushtrrisë vet i kanë marrur brenda pak ore me tu vendosur në shportën para objektit të komunës. Buletini specifike sektori gjithashtu ka punuar dhe iu ka shpërndarë qytetarëve gjatë debateve të organizuara me qytetarë. Padyshim që kaptinë e veçantë të angazhimit por edhe transparencës janë kanalet e komunës në rrjetin social të itnernetit. Tashmë komuna ka kanalin e saj të dizajnuar në Facebook, i cili konsumohet shumë nga qytetarët e kësaj komune. Madje ata paraqiten mjaft aktiv në dhënie të komenteve, sygjerimeve e vërejtjeve, e shtrojnë edhe pyetje të cilave padyshim që u jepet përgjigje. Edhe në këtë kanal të rrjetit social komuna ka të paraqitura aktivitetet e saja si në formën e shkruar edhe atë pamore përmes video xhirimeve. Kanal të tillë ky sektor ka hapur edhe në rrjeti Youtube ku shikueshmëria brenda pak muajsh ka arritur në 50.000 klikime. Kanale të komunës janë edhe në Twitter dhe rrjetet tjera. Suksesi i treguar padyshim që është edhe fryt i bashkëpunimit shumë të mirë me USAID-in-DEMI-n me këtë sektor dhe ndihmës të ofruar teknike nga USAID-i. Është edhe fryt i përkushtimit dhe angazhimit të stafit gjatë dhe jashtë orarit të punës, i cili jo rrallë zgjat gjerë në mesnatë me montazhën dhe komunikim me qytetarët për çështjet e komunës. Ky angazhim jo shpesh kuptohet drejtë nga burokracitë e shabllonizuara, të cilat po thyhen falë mbështetjes nga i pari i komunës Bajram Mulaku.
Tashmë është e ditur që USAID-Demi rëndi të posaçme i kushton komunikimit dhe informimit të institucioneve lokale me qytetarë. Kjo edhe ishte arsyeja e organizimit dyditor të punëtorisë me zyrtarët lokal kompetent të kësaj sfere nga të gjitha komunat e Kosovës. Punëtoria padyshim që ka ndikuar per tu përafruar përvojat e vendeve më të zhvilluara, në mënyrë që institucioni i komunës të jetë sa më transparent dhe të jetë sa më afër qytetarve. Seminari mbi temën “Rritja e kapaciteteve të zyrtarve per informim publik dhe teknologji informative për të rritur transparencën komunale” në të cilën referuan Melihate Limani, eksperte e lartë për pjesëmarrjen e qytetarve (DEMI), pastaj raportimi i Agron Bajramit, kryeredaktor i gazetës Koha Ditore lidhur me mënyrën e të bërit lajmit sa më tërheqës për komunikim nga qytetarët, padyshim që ishin përvoja të duhura. Gjithashtu temë interesante ishte prezentimi i Ramadan Klisurica, specialist për kuvendet komunale lidhur me mënyrën e prezentimit në publik te ngjarjeve nga Kuvendi Komunal dhe Administrata Komunale. Zana Budina, specialiste per komunikim (DEMI-USAID) ka prezantuar në detaje për mënyrën e dizajnimit të buletinit komunal, gjersa Flamur Mripa, konsulent për teknologji informative nga Ministria e Administrimit të Pushtetit lokal ka diskutuar për rolin e teknologjisë informative si mjet për rritjen e transparencës komunale për mirëmbajtjen web-faqes komunale, prezantues ishte Fidan Ferizi administrator për teknologji informative. Një pervojë të re krahas këtyre temave të shtjelluara pjesëmarrsit marrin edhe për mënyrën e prezantimit të planit për shpërndarjen e buletinit komunal.
