Nënkampionia botërore në tai boks Myrvete Uka dhe Elvis Gashi Kampioni i kupës botërore në kikboks janë shpallur sportist të vitit 2011 në Vushtrri
Kampioni i kupës botërore në Kikboks, Elvis Gashi dhe nën kampionia botërore në tai boks Myrvete Uka, janë shpallur sportit të vitit 2011 në në manifestim të organizuar të premten nga drejtoria për kulturë e sport e komunës së Vushtrrisë. Me rastin e ndarjes së shpërblimeve të sportistit të vitit kryetari i komunës Bajram Mulaku ka thënë se sportistët tani e sa vite vazhdojnë të jenë ambasadorët më të mirë të qytetit të Vushtrrisë.
Manifestimin e ka shpallur të hapur drejtori i kulturës rinisë dhe sporteve Qamil Sahiti. Në këtë manifestim janë shpallur sportistët që shënuan vitin në sportin vushtrrias, por me mirënjohje janë nderuar edhe veteranët si dhe donatorët që kontribuan në zhvillimin e sportit vushtrrias.
