Nën udhëheqjen e Pajazit Pllanës, Komiteti për Politikë dhe Financa ka mbajtur takimin e radhës në të cilin është shqyrtuar Raporti për situatën ekonomike –financiare dhe për zbatimin e planeve investuese si dhe Raporti i punës së kryetarit të komunës për vitin 2011. Anëtarët e këtij komiteti kanë përshëndetur përgatitjen e raportit nga kryetari. Zeqir Hasani (AAK) “Përshëndes raportin veçanërisht angazhimin e komunës në shfrytëzimin efikas të buxhetit” tha Hasani. Vizën për të kaluar dhe debatuar në kuvend nga KPF e morën edhe shqyrtimi i Raportit vjetor të punës së KKSB-së, pastaj Shqyrtimi i propozim vendimit për plotësimin dhe ndryshimin e Rregullores për përcaktimin e kritereve të ndarjes së mjeteve financiare nga fondi për transfere dhe subvencione për entitetet publike e jopublike. Komiteti për Politikë dhe Financa gjithashtu debatoi edhe për shqyrtimin e Draft-rregullores për organizimin e brendshëm të administrates dhe përshkrimin e vendeve të punës. Kryetari i komunës për këtë draft-rregullore njoftoi anëtarët e KPF-së se në bazë të ligjit kompetencë e rregullimit të asaj sfere është vet kryetari, porse kalimi i saj përmes kuvendit do ta fuqizojë edhe më shumë pasi ka mundësi më të mëdha të debatimit. KPF ka vlerësuar shumë lart punën e komisionit të përbashkët USAID-it (DEMI) në komunë, në përgatitjen e kësaj draft-rregulloreje, duke e proceduar me ca vërejtje, kryesisht teknike për kuvend e që më pas pritet të dalë në debat intern në komunë.
KPF gjithashtu me unanimitet u ka dhënë vizën edhe 3 pikave tjera të rendit të ditës për t’u shqyrtuar në mbledhjen e radhës së kuvendit komunal.
Komiteti për Politikë dhe Financa ka mbajtur takimin e radhës në të cilin është shqyrtuar Raporti për situatën ekonomike –financiare dhe për zbatimin e planeve investuese si dhe Raporti i punës së kryetarit të komunës për vitin 2011
