Kryeministri Hashim Thaçi i shoqëruar nga kryetari i komunës Bajram Mulaku dhe një pjesë e kabinetit qeveritar, të premten ka vizituar punishten ku po ndërtohet ura në dalje të fshatit Prelluzhë.
I shoqëruar edhe nga zëvendëskryeministri Sllobodan Petroviq, kryeministri Thaçi ka thënë se kjo urë është ndërtuar në interes të të gjitha komuniteteve dhe nuk është i drejtuar kundër askujt. “Ky projekt është në interes të të gjithëve qytetarëve të Kosovës të të gjitha komuniteteve, të serbëve të shqiptarëve të cilët janë duke bashkëjetuar këtu dhe nuk është i drejtuar kundër askujt”, ka thënë Thaçi.
Vizitën e tij në Prelluzhë, kryeministri e ka bërë për tu dhënë measazh serbëve të atij fshati se qeveria e Kosovës do të krijoj siguri për ta dhe gjithë komunitet që jetojnë në Kosovë. “Sot Qeveria e Republikës së Kosovës dhe unë këtu nga Prelluzha ju zotohemi të të gjithë qytetarëve të Kosovës në çdo cep të saj se do tu krijojmë siguri të plotë për jetë për punë dhe rritje të mirëqenies sociale pa dallime etnike”, ka thënë kryeministri Thaçi i cili u ka premtuar serbëve vazhdim të investimeve në rregullimin e infrastrukturës së fshatit.
Ndërkaq kryetari i komunës Bajram Mulaku tha se posaçërisht në Prelluzhë qeveria e Kosovës, komuna dhe donator si Komisioni Evropian po investojnë rreth 900 mijë euro që janë investime në rrugë, kanalizim dhe ndërtim të urës. Përveç lehtësimit të qarkullimit për të gjithë, Mulaku tha se ura do tu ndihmoj edhe vet serbëve të Prelluzhës që ti punojnë tokat matanë lumit të cilat nuk i kanë punuar deri më tani në mungesë të saj.
Po ashtu edhe zëvendëskryeministri Petroviq por edhe ministri i punëve të brendshme Bajram Rexhepi kanë thënë se janë të përkushtuar dhe do të shtojnë masat e sigurisë në Prelluzhë.
“Ky projekt është në interes të të gjithëve qytetarëve të Kosovës të të gjitha komuniteteve, të serbëve të shqiptarëve të cilët janë duke bashkëjetuar këtu dhe nuk është i drejtuar kundër askujt”, ka thënë kryeministri Thaçi
