Në bazë të konkluzionit të nxjerr nga drejtoria komunale e gjeodezisë e kadastrit si dhe urdhëresës së drejtorit si dhe urdhëresës së drejtorisë së inspeksionit për lirimin e pronës publike të uzurpuar, në rrugën qendrore të fshatit Prelluzhë, të hënën ka filluar aksioni për lirimin e hapësirave publike, të rrënimit dhe largimit të 26 lokaleve të ndërtuara në pronë publike.
Lirimi i hapësirave publike ka të bëjë me realizimit të projektit të rregullimit të trotuarit të kësaj rruge, projekt ky i cili po zbatohet me financim nga Ministria e punës dhe mirëqenies sociale me kosto prej 31850 euro. Aksioni i sotëm i zbatuar nga komuna e Vushtrrisë nuk hasi në kundërshtim të banorëve të Prelluzhës, derisa disa prej tyre edhe filluan që vet ti largojnë objektet e ndërtuara në hapësirat publike. “Nuk ka rezistencë të fshatarëve pasi lirimi i hapësirave ka të bëjë me vet dobi të tyre duke ditur se u rregullohet trotuari dhe krijohen hapësira për lëvizje të lirë.”, tha drejtori i drejtorisë komunale të inspeksionit Bajram Beqiri. Ai thotë se për këtë hap të ndërmarr sot nga komuna janë shterur të gjitha mundësitë ligjore, në mënyrë që vet pronarët e këtyre objekteve ta lirojnë hapësirën publike.
Milosh Mihajlloviq, thotë se i vi emirë që po lirohet hapësira që banorët të lëvizin lirshëm në këtë rrugë e cila deri më tani ishte pa trotuare. “Po na krijohet mundësi më e mirë e lëvizjes dhe sigur për fëmijët tanë”, thotë Millosheviqi.
Gjatë vizitës së bërë në komunën e Vushtrrisë, Nenad Rashiq, ministër i punës dhe mirëqenies sociale, i ka dhënë mbështetje komunës së Vushtrrisë për lirimin e hapësirave publike në Prelluzhë në mënyrë që të bëhet realizimi i tërësishëm i projektit për rregullimin e trotuarit, e cila i shërben urbanizimit të atij fshati.
Ka filluar aksioni për lirimin e hapësirave publike, të rrënimit dhe largimit të 26 lokaleve të ndërtuara në pronë publike në fshatin Prelluzhë
