Mbahet edicioni i 4-të i Garës së Shahut

Sot u mbajt edicioni i 4-të i Garës së Shahut për nxënësit e klasave 1-5, i organizuar nga Drejtoria për Arsim në bashkëpunim me Innovation Academy, ku ekspertët e rinj të shahut sfiduan njëri-tjetrin në këtë garë shumë frymëzuese.

Në hapje të garës, morën pjesë kryetari i Komunës së Vushtrrisë, Ferit Idrizi, dhe drejtori për Arsim, Albanez Tahiraj.

“Edhe pse unë nuk arrita të fitoj sot, u ndjeva shumë krenar që po kontribuojmë në rritjen e mundësive për fëmijët tanë që të bëhen kampionë të ardhshëm të shahut! Faleminderit Innovation Academy dhe Drejtorisë Komunale të Arsimit për organizimin e këtij eventi të shkëlqyer! ”, tha kryetari Idrizi.