Sot është mbajtur punëtoria e dytë njëditore e organizuar nga Komuna e Vushtrrisë në bashkëpunim me UN-Habitat Kosova, në kuadër të hartimit të Planit të Mobilitetit të Qëndrueshëm Urban.
Hapjen e punëtorisë e bëri kryesuesja e Kuvendit të Komunës, Melihate Basholli Latifi, ndërsa pjesë e panelit ishin përfaqësuesi nga UN-Habitat Kosova, Modest Gashi, konsulenti i angazhuar Liridon Sejdiu, Komandanti i Stacionit Policor në Vushtrri, Reshat Kovaçi, si dhe kryesuesi i ekipit të planifikimit të lëvizshmërisë në Komunën e Vushtrrisë, Islam Latifi.
Në këtë punëtori u prezantua projekti dhe procesi i punës së deritanishme, rezultatet e arritura nga proceset kërkimore, drafti i deklaratës së vizionit për Komunën e Vushtrrisë, qëllimet, objektivat dhe masat e propozuara.
Pjesë e punëtorisë ishin të gjithë akterët relevant për hartimin e Planit të Mobilitetit të Qëndrueshëm Urban për Komunën e Vushtrrisë.
