Mbledhja e Kuvendit të Komunës mbahet më 29.03.2011 (e martë) me fillim në ora 10:00
Në bazë të nenit 43.1 të Ligjit për Vetëqeverisjen Lokale nr.03/L-040, nenit 38 të Statutit të Komunës së Vushtrrisë dhe nenit 9.1 të Rregullores për mbajtjen e mbledhjes të Kuvendit të Komunës dhe organeve të tij, Kryesuesi i Kuvendit të
J u f t o n
të merrni pjesë në mbledhjen e Kuvendit të Komunës, e cila do të mbahet më 29.03.2011 (e martë ) me fillim në ora 10:00. Kjo mbledhje do të mbahet në Sallën e Kuvendit të Komunës – Vushtrri.
Për këtë mbledhje propozohet ky:
R E N D D I T E
1. Shqyrtimi i procesverbalit nga mbledhja paraprake e KK-së.
2. Raporti i punës të Kryetarit të Komunës për vitin 2010.
3. Propozim-vendimi për caktimin e lokacionit Zonë ekonomike për ndërtimin e parkut të biznesit në fsh. Lummadh.
4. Shqyrtimi dhe aprovimi i ndryshimeve dhe plotësimeve të Statutit të Komunës.
5. Draft-Rregullore për shërbimin e transportit me “merimangë” për territorin e Komunës së Vushtrrisë (shqyrtimi i parë).
6. Draft-Rregullore për caktimin e kushteve dhe mënyrën e ndarjes së shpërblimeve, dekoratave dhe mirënjohjeve në Komunën e Vushtrrisë (shqyrtimi i parë). .
7. Propozim-vendimi për dhënien në shfrytëzim pa kompensim të tokës në pronësi të Komunës për ndërtimin e objektit për regjistrimin e automjeteve dhe Qendrën e Regjistrimit Civil nga MPB-ja.
8. Propozim-vendimi për racionalizimin e ujit të pijes nga rrjeti i ujësjellësit të qytetit gjatë sezonës verore.
9. Propozim-vendimi për lejimin e bartjes së mjeteve financiare nga të hyrat vetanake prej vitit 2010 në vitin 2011.
10. Propozim-vendimi për lejimin e mjeteve financiare nga fondi për bashkëfinancim në vlerë prej 72.407 € për asfaltimin e rrugës “Hamit Hyseni”.
11. Propozim-vendimi për përcaktimin e lartësisë së kompensimit të anëtarëve të Komitetit për Auditim të Komunës së Vushtrrisë.
12. Propozim-vendimi për anulimin e vendimit të KK-së për dhënien në shfrytëzim të përkohshëm të pronës së paluajtshme të komunës.
13. Propozim-vendimet për lejimin e mjeteve financiare nga fondi për transfere dhe subvencione për:
a. Blerjen e kohë pas kohshme të gjërave ushqimore për familjet në gjendje të rëndë ekonomiko-sociale.
b. Bartjen e mjeteve financiare për rindërtim për familjet me gjendje të rëndë ekonomiko-sociale.
c. Ndihmë për klubet sportive të Komunës së Vushtrrisë.
d. SHFD-në e UÇK-së, në shumë prej 3600 €.
e. OVL-në e UÇK-së, në shumë prej 3600 €.
f. SHIL-in e UÇK-së, në shumë prej 3600 €.
g. Shoqatën e ish të burgosurve politik, në shumë prej 1800 €.
h. Ndihmë për shërim në vlerë prej 1500 €, për Bajram Pantinën, ish punëtor i Komunës.
i. Ndihmë për shërim për Arben Mujën, nga Vushtrria.
14. Të ndryshme.
Kryesuesi i Kuvendit
Ferit Idrizi
.
