Me nderime të larta të premten në varrezat e janë varrosur mbetjet mortore të Sherife Jashar Beqirit nga fshati Stanofc dhe Hajdar Haxhë Mehmetit nga qyteti i Vushtrrisë, të vrarë gjatë luftës.
Përveç homazheve të bëra nga përfaqësues të institucioneve lokale dhe qytetarë të Vushtrrisë, në Qendrën e Kulturës “Hasan Prishtina” është mbajtur edhe një akademi përkujtimore për të vrarët. Rasti i këtyre dy qytetarëve që po rivarrosen sot, tregon se Serbia gjatë luftës bëri gjenocid mbi qytetarët e pafajshëm dhe nuk kursej as pleqtë e gratë, ka thënë Qamil Sahiti drejtor i Kulturës në qeverinë lokale. Ndërkaq aktin e rënies për liri të dy martirëve, Sadat Islami nga Këshilli i Bashkësisë Islame në Vushtrri e ka quajtur idealin më të lartë njerëzor.
Rasti i këtyre dy qytetarëve vushtrrias të vrarë gjatë luftës, flet për një dimension të veçantë të krimit që forcat serbe bënë në Vushtrri, ka thënë Sabit Kadriu veprimtar në tri dekada të fundit i të drejtave dhe lirive të njeriut. “Kjo tregon për natyrën ç’njerëzore të krimit ku nuk u kursyen as të shtrirët në spital. Rast i ngjashëm ka ndodhur edhe në Vukovar të Kroacisë ku kriminelët vranë edhe të shtrirët në spital”, ka thënë Kadriu.
Sipas kryetarit të degës së KMDLNJ-së Fadil Beqiri, nga 116 të pagjetur sa ishin në Vushtrri, në listat e të pagjeturëve janë edhe 45 qytetarë të Vushtrrisë për të cilët nuk dihet fati i tyre.
Kjo tregon për natyrën ç’njerëzore të krimit ku nuk u kursyen as tështrirët në spital. Rast i ngjashëm ka ndodhur edhe në Vukovar të Kroacisë ku kriminelët vranë edhe të shtrirët në spital”, ka thënë Kadriu.
