Ai sugjeroi drejtorët për angazhime ligjore, duke përfshirë edhe bllokimin e kontove në llogaritë bankare të borxhlinjve të mëdhenj, të këtij obligimi qytetar, i cili në fund u kthehet vet qytetarëve. “Duhet rritur shkalla e inkasimit të të hyrave vetanake, pasi ato u shërbejnë qytetarëve në realizim të projekteve të planifikuara të investimeve kapitale “ tha Mulaku. Muajin e kaluar komuna veç u ka bllokuar kontot financiare të disa nga borxhlinjve të mëdhenj të saj, duke i detyruar që ata krahas borxhit të paguajnë edhe kamata të larta. Ndryshe Komuna e Vushtrrisë në këtë muaj ende jo të përfunduar ka realizuar 64 mijë euro, nga inkasimi i të hyrave vetanake, gjersa ka të trashëguar një borxh të pagesës së tatimit në pronë, në vlerë prej mbi 1 milion eurove. Në këtë mbledhje kryetari Mulaku gjithashtu ka kërkuar angazhime të drejtorive përkatëse në ruajtjen e ambientit. “Duhet ndaluar qarkullimin me biçikleta e motoçikleta në shëtitoren e brigjeve të lumit “Silnica”, gjersa drunjtë dhe fidanet e mbjella të mbikëqyren në vazhdimësi” tha Mulaku. Gjithashtu në këtë mbledhje është biseduar për gjetjen e mundësisë ligjore të kthimit të eshtrave në vendlindje të patriotit Hasan Prishtina dhe Shote Galica. Është në interesin e vet qytetarëve për ta paguar me rregull tatimin në pronë, pasi mospagesa e shumës së caktuar konform vendimeve të marra mund ta dyfishojë shumën e borxhit kryesor nga kamatat e larta.
“Nuk mund të i iket pagesës së këtij obligimi qytetar dhe shtetëror, atë qytetarët vetëm mund ta prolongojnë e që ajo e që ajo shtyrje do të ju kushtojë me pagesë edhe të kontratës” porositi kryetari i komunës Bajram Mulaku në mbledhjen me drejtorët e drejtorive komunale.
