Në një takim të veçantë kryetari i komunës Bajram Mulaku, të mërkurën ka falënderuar kompanitë që ndihmuan në tejkalimin e situatës emergjente. Ai ka vlerësuar gatishmërinë që kompanitë lokale kanë treguar duke i dalë në ndihmë komunës në zhbllokimin e rrugëve nga bora. “U falënderojmë ju njerëz të vullnetit të mirë, që nuk kursyet as kohën e as mundin që të jepni kontributin në momentet më të vështira që po kalonim nga situata emergjente si pasojë e reshjeve të mëdha”, u ka thënë Mulaku kompanive lokale që punuan pa kompensim në hapjen e rrugëve nga bora.
Në këtë takim ka folur edhe Naim Hyseni, kryetar i shtabit emergjent. Ai tha se falë edhe kontributit të kompanive private, KFOR-i ka dhënë një vlerësim shumë të mirë të menaxhimit të mirë të situatës emergjente. “Vlerësimi i KFOR-it është se komuna e Vushtrrisë është e përgatitur që të menaxhoj vet këto situata emergjente”, ka thënë Hyseni.
Falënderime për kontributin e kompanive kanë shprehur edhe
Në fund të këtij takimi mirënjohje u janë ndarë përfaqësuesve të kompanive Hysnia, Kopshti, Wenda, KRM Uniteti, kompanisë Ujësjellësi, Andi, Vëllezërit Caka, Xeti, Toni Comerc, Florenti kompanisë Kuqi, si dhe kompanisë Shkoza nga Malisheva që ka qenë e kontraktuar nga autoritet e komunës për mirëmbajtjen e rrugëve.
“U falënderojmë ju njerëz të vullnetit të mirë, që nuk kursyet as kohën e as mundin që të jepni kontributin në momentet më të vështira që po kalonim nga situata emergjente si pasojë e reshjeve të mëdha”, u ka thënë Mulaku kompanive lokale që punuan pa kompensim në hapjen e rrugëve nga bora
