Në kuadër të ditës botërore të librit dhe të drejtës së autorit, kryetari i komunës Bajram Mulaku ka vizituar bibliotekën e komunës “Naim Frashëri” me ç’rast është bërë promovimi i mbi 2000 tituj të ri të librave për lexuesit e kësaj biblioteke, të blera nga Komuna e Vushtrrisë. “Ne kemi filluar të investojmë në shtimin e fondit të librit porse hapat tjerë do të pasojnë drejt krijimit të kushteve më të mira për lexuesit e bibliotekës si dhe shtimit të vazhdueshëm të fondit të librit ka thënë në këtë rast kryetari i komunës Bajram Mulaku. Ai e ka çmuar lart kulturën e leximit të librit veçanërisht nga të rinjët. “Biblioteka përkatësisht leximi i librit ka një traditë, gjersa objekti actual i saj në gjendjen ekzistuese nuk përkon karshi interesimit të lexuesve dhe për këtë arsye gjendja e tillë duhet ndryshuar ka thënë Mulaku.
Menaxherja e bibliotekës Advie Maxhuni ka falenderuar kryetarin për angazhimin e tij, në krijim të kushteve më të mira për lexuesit e bibliotekës si dhe shtimin e fondit të librit. “Ka filluar një vit i begatë për lexuesit e bibliotekës pasi që nga donatorë të ndryshëm janë siguruar 3408 libra të reja. Me shtimin e sasisë por edhe cilësisë së librave të arritur po shtohet vazhdimisht edhe numri i lexuesve” ka thënë Maxhuni. Sipas saj Komuna e Vushtrrisë për bibliotekën ka siguruar 2000 tituj të ri të librave, të blerë në bazë të një specifikimi nga vet kërkesat e lexuesve. Kryetari Mulaku gjatë ditës së sotme ka vizituar edhe muzeun e qytetit, gjersa është investuar edhe për stadin e hulumtimeve që po zhvillohen në kalanë e qytetit.
Ne kemi filluar të investojmë në shtimin e fondit të librit porse hapat tjerë do të pasojnë drejt krijimit të kushteve më të mira për lexuesit e bibliotekës si dhe shtimit të vazhdueshëm të fondit të librit ka thënë në këtë rast kryetari i komunës Bajram Mulaku
