Komuna e Vushtrrisë, përkatësisht Drejtoria Komunale e Arsimit, ka shpallur konkurs publik për kuadrin profesional të arsimit në gjuhën serbe në shkollat fillore dhe të mesme për vitin e ri shkollor 2011/2012.
Oferta e komunës për personelin arsimor serb të shkollave fillore “Vuk Karagjiq” asaj “Sveti Sava” dhe shkollës së mesme “Nikolla Teslla” vie si rezultat i takimeve të vazhdueshme nga zëvendës ministri i pushtetit lokal Basri Musmurati, drejtorit të DKA- Qerim Selimit, si dhe përfaqësuesve të shkollave gjegjëse.
Më datën 15.03. të vitit 2006, këta punëtorë të këtyre shkollave kanë nënshkruar deklaratën me të cilën nuk i pranojnë pagat institucionale dhe përmes drejtorëve të tyre Jogoda Trajkoviç, Desimir Milkoviç dhe Novica Staliç ju kanë drejtuar institucioneve lokale për ndalimin e pagave. Sipas evidencës që iu është ofruar DKA-së në këto tri shkolla, mësimet i zhvillojnë 466 nxënës, gjersa sipas drejtorit të DKA-së Qerim Selimit, tani ekziston gatishmëria e personelit arsimor të këtyre shkollave për të hyrë në sistemin arsimor dhe mu për këtë arsye edhe është shpallur konkursi. “Ne po u japim mundësinë të gjithë këtyre arsimtarëve të komunitetit serb që të hyjnë në sistemin arsimor të Republikës së Kosovës, sipas procedurave të parapara”, thotë Selimi
Drejtoria Komunale e Arsimit, ka shpallur konkurs publik për kuadrin profesional të arsimit në gjuhën serbe në shkollat fillore dhe të mesme për vitin e ri shkollor 2011/2012
