Realizimi i planit strategjik të Qeverisë së Kosovës, në lëmin e politikës sociale si dhe skemat e asistencës sociale, ishin temat e diskutuara në takimin e sotëm të kryetarit të komunës Bajram Mulaku me z.v.ministrin e Ministrisë së Punës dhe Mirëqenies Sociale, Fatmir Shurdhaj dhe bashkëpunëtorët. “Duhet pasur rigorozitet më të madh në ndarje të asistencës sociale, pasi paratë e qeverisë duhet të shkojnë vetë atje ku duhet” tha z.v.ministri Shurdhaj.
Ai skemën sociale e paraqiti të ngarkuar dhe me shifra të mëdha e të pakritere, gjersa për keqpërdoruesit e saj premtoi ndërmarrjen e masave ligjore siç është inicimi i procedurës së kthimit të ndihmave familjeve përfituese jashta kritereve ligjore. Kryetari Mulaku z.v.ministrit i ka premtuar bashkëpunim maksimal në punët e komisioneve mikse për verifikimin e të gjitha familjeve përfituese të asistencës sociale në Komunën e Vushtrrisë, si dhe ndërmarrje të masave ligjore për përfituesit e jashtëligjshëm. Kryesuesi i Divizionit të Asistencës Sociale, në kuadër të MPMS, Fehmi Ibrahimi njoftoi kryetarin Mulaku me të gjeturat e komisionit kontrollues të këtij divizioni nga kontrollat e bëra në terren tek shfrytëzuesit e ndihmës sociale. “Vushtrria me 1864 shfrytëzues të ndihmës sociale, hyn në komunat e para të Kosovës dhe gjatë kontrollit janë vërtetuar se ka pasur familje përfituese jo në harmoni me kriteret tha Ibrahimi.
Në eliminimin e parregullsive, palët u dakorduan në ndërmarrje të masave të përbashkëta siç janë: inicimi i procedurave gjatë kthimit të ndihmave të marra jashtë kritereve, krijim të kushteve logjistike më të mira për nënpunësit social, kujdes më i madh nga administrata në dhënie të vërtetimeve që rregullojnë këtë materie si dhe shqyrtuar mundësinë e rritjes së numrit të të punësuarve nëpunës social.
Kryetari Mulaku zevendesministrit Shurdhaj i ka premtuar bashkëpunim maksimal në punët e komisioneve mikse për verifikimin e të gjitha familjeve përfituese të asistencës sociale në Komunën e Vushtrrisë, si dhe ndërmarrje të masave ligjore për përfituesit e jashtëligjshëm
