Me një akademi të mbajtur në Qendrën e Kulturës “Hasan Prishtina”, të enjten janë përkujtuar Selatin Gërxhaliu dhe 11 anëtarët e familjes së tij të vrarë nga forcat serbe para 13 vitesh.
Në përkujtim të këtij krimi të tmerrshëm, të enjten në përkujtim të të rënëve, edhe njëherë është kërkuar si nga institucionet, e po ashtu edhe nga veprimtar të drejtave dhe lirive të njeriut, që drejtësia ndërkombëtare por edhe ajo vendore ta zbardh krimin dhe që kriminelët që kryen ato të dalin para drejtësisë. “Është për t’u habitur se pas 13 vite dhe pas gjithë këtyre masakrave, vrasjeve, dhunimeve e akteve tjera kriminale, drejtësia qoftë ajo ndërkombëtare apo vendore ende nuk ka vepruar asgjë në kapjen dhe sjelljen para organeve të drejtësisë të kriminelëve që kryen këto krime”, ka thënë nënkryetari i komunës Dibran Perçuku.
Por me gjithë qëllimin e forcave serbe që në fillim të vitit 1999 e vran Shahinin djalin e Selatinit, e më pas edhe gjithë familjen e tij, ata nuk ia arritën qëllimit tha nënkryetari Percuku, sepse jeta në oborrin e familjes vazhdon nga fëmijët e vëllait të tij që ishte në Gjermani. “Tani 13 vite pas asaj ngjarje të dhembshme, jeta në oborrin e familjes Gërxhaliu vazhdon, fëmijët e Nexhmedinit luajnë të qetë në oborrin e shtëpisë së tyre, të kësaj shtëpie muze për t’i ripërtërirë trungun e kësaj familjeje atdhetare”, ka thënë Perçuku.
Për këtë ngjarj ka folur edhe profesori Ilmi Saraqi, ndërkaq në emër të familjes të pranishmit në këtë akademi përkujtimore i kanë falenderuar Shukri Gërxhaliu e Latif Gërxhaliu.
“Është për t’u habitur se pas 13 vite dhe pas gjithë këtyre masakrave, vrasjeve, dhunimeve e akteve tjera kriminale, drejtësia qoftë ajo ndërkombëtare apo vendore ende nuk ka vepruar asgjë në kapjen dhe sjelljen para organeve të drejtësisë të kriminelëve që kryen këto krime”, ka thënë nënkryetari i komunës Dibran Perçuku
