Komuna e Vushtrrisë në bashkëfinancim me Ministrinë e Punës dhe Mirëqenies Sociale është duke shtruar trotuare në rrugë të ndryshme të qytetit dhe fshatrave. Sipas zyrtarit të Drejtorisë Komunale të Shërbimeve Publike, i cili edhe mbikëqyr punimet Imer Cecelia, janë duke u rregulluar trotuare në gjatësi prej 2815 metrave dhe gjerësi të ndryshme konform mundësive që lejon hapësira e rrugëve publike. “Kostoja financiare e tërë këtij projekti kap shumën prej 83 400 eurove, gjersa punimet janë duke u finalizuar nga kompanitë “Konzorcium Rexha” dhe “Rub” nga Prishtina” thotë Cecelia. Sipas tij trotuaret janë duke u rregulluar ne rrugët “Ismail Qemajli” të qytetit me gjatësi prej 195 metra e gjerësi 1.8 metra, pastaj në rrugën e “Çamërisë” në gjatësi prej 105 metra dhe gjerësi 1.8 metra. Në rrugën “Lidhja e Lezhës” me gjatësi prej 100 metra dhe gjerësi 3.2 metra, rrugën “Arsim Muzaqi” 85 metra e gjerësi 2.2 metra. Gjithashtu projekti është duke u kryer në rregullimin e trotuarit në rrugët e fshatit Prelluzhë, në gjerësi prej 1200 metra dhe gjerësi 1.5 metra, si dhe në fshatin Begaj në gjatësi prej 1130 metra dhe gjerësi 1.5 metra.
Janë duke u rregulluar trotuare në gjatësi prej 2815 metrave
