“ Nga zhvillimet e punimeve në atë lokacion nuk do të dëmtohet asnjë qytetar, është bërë inspektimi për numrin e parcelave të shfrytëzuara dhe dëmi i shkaktuar për tri vite do t’u paguhet konform vendimit të Qeverisë së Kosovës ” tha Shkëlzen Morina nga Ministria e Financave. Prenk Gjetaj ka falenderuar komunën e Vushtrrisë dhe fshatarët e Zhilivodës për tolerancën e treguar gjatë punimeve në pronat e tyre. “ Vlerësimin e dëmeve të shkaktuara do ta bëjë një agjencion ekspertor, gjersa gropa mund të mbyllhet dhe kthehet në gjendje të mëparshme me pëlqimin tuaj ” tha Gjetaj. Fshatarët në këtë takim ishin unanim në kërkesën që gropa të vazhdoj të qëndroj ashtu si është, duke pasur parasysh se aty më lehtë u vie tani të nxjerrin thëngjillin për konsum familjar dhe treg. Haradin, Nuredin e Mehdi Krasniqi, kërkuan që kadastri të del dhe t’i përcaktoj kufijtë ndarës të pronave, pasi që nga punimet u janë prishur “megjat’ siç thonë ata. Me datën 29 pril 2010 kryeministri i Kosovës Hashim Thaçi ka nënshkruar vendimin me të cilin themelohet komisioni për verifikimin dhe vlerësimin e dëmeve në rastin e gërmimeve në Zhilivodë në përbërje me një përfaqësues të komunës së Vushtrrisë (nga Drejtoria e Kadastrit), një përfaqësues i zyrës për persona të pagjetur (Pren Gjetaj), një përfaqësues nga Ministria për Ekonomi e Financa (Shkëlzen Morina) dhe një përfaqësues eskpert. Në prani të kryetarit të komunës Bajram Mulakut, kryetarit të komisionit qeveritar për të pagjeturit Prenk Gjetaj, drejtorit të zyrës për vlerësim të pronave të paluajtshme në Ministrinë e Financave Shkëlzen Morina, është arritur ujdia për fillim të procedurave në lidhje me verifikimin dhe vlerësimin e dëmeve të shkaktuara gjatë punimeve në lokacionin e dyshuar për varrezat masive në fshatin Zhilivodë. Marrëveshja është arritur me 11 fshatarët në pronat e të cilëve është gërmuar apo u janë dëmtuar në forma të ndryshme gjatë kryerjes së punëve brenda tri viteve sa kanë zgjatur gërmimet. Në atë lokacion është dyshuar për ekzistencën e trupave të 25 qytetarëve të nacionalitetit serb por që gërmimet treguan që dyshimet kan qenë të pabazuara. Pas përfundimit të punimeve, gropa e madhe dhe e gjerë ka mbetur e tillë dhe se për rikthim në gjendje të mëparshme, zyrtarët qeveritar synonin të dakordoheshin me fshatarët pronar të tokave.
