Rrezikohen të mbesin në rrugë 33 familje të strehuara në objektin banesor “Kalaja”

Komuna e Vushtrrisë, me një vendim të nënshkruar nga kryetari Bajram Mulaku ka ngritur një komision me kordinator Idriz Muzaqin, i cili kishte për detyrë grumbullimin e informatave për personat e cekur në listë të AKP-së se a kanë mundësi banimi alternativ në raport me banimin e tyre në objektin përkatës. “ Agjencioni Kosovar i Pronave ka kërkuar nga komuna të identifikoj shfrytëzuesit e banesave, t’i largoj ata, në mënyrë që t’ia dorëzoj dosjen Agjencionit Kosovar të Privatizimit ” thotë Muzaqi. Nga ky aktivitet kordinatori Muzaqi është tërhequr duke parë që në ato objekte janë vendosur familje në raste sociale, familje të dëshmorëve, invalidëve e veteranëve të luftës pa pasur mundësi tjera të strehimit.
Banuesit në këto objekte të banimit janë në hall të madh edhe nga qytetarë tjerë, të cilët në forma të ndryshme dhe kohë të ndryshme, duke përfshirë edhe vitet e luftës të jenë pronar, përkatësisht blerës të këtyre objekteve të banimit. Ilmi Beqiri dhe Milazim Hyseni, duke folur në emër të 33 familjeve të strehuara në atë objekt banesor theksojnë: “ Gjykata komunale në Vushtrri këtyre qytetarëve iu ka refuzuar këto vendime që kanë marrë qytetarët në forma të ndryshme, mirëpo presioni i tyre po vazhdon dhe se ne jemi të shqetësuar nga konfliktet e mundshme ” thonë ata. Ata thonë që me anë të shkresave të ndryshme të kenë informuar për problemet që kanë kompetentët, qofshin lokal apo në nivel vendi. “ Ne sot u pritëm nga kryetari i komunës, i cili na njoftoi që në rastin tonë kompetencat i ka të vogla, por se na dha mbështetje morale, në mënyrë që të gjendet një zgjedhje ligjore, e cila do të arrihej edhe nga bashkëbisedimet me AKP-në. “ Ne nuk jemi kundër që objektet e banimit ku ne jemi strehuar të qiten në shitje nga AKP-ja, porse në blerjen e tyre të jemi ne konkurrentët kryesorë, pasi në banesat ku ne jetojmë vet i kemi vërë të banueshme, pra kemi bërë investime të mëdha. Kërkojmë një mënyrë të legalizimit të tyre me marrëveshje ” thonë Hyseni dhe Beqiri. Ata thonë që për problemin e tyre me banesat të kenë informuar me anë të shkresave AKP-në, avokatin e popullit, porse nuk do të hezitojnë që të shkojnë edhe tek kryeministri. “ Ne ato banesa nuk i lirojmë siç pretendon dikush, pasi në to kemi investuar shumë, pasi kanë qenë vetëm mure. Kërkojmë zgjedhje e cila përligj këtë investim dhe vullnet ndryshe do të ketë probleme përkundër dëshirës sonë ” thonë Beqiri e Hyseni.