Me rastin e 27-vjetorit të masakrës mbi familjen e Selatin Gërxhaliut, sot në fshatin Studime të Vushtrrisë u bënë homazhe në nderim të 12 anëtarëve të kësaj familjeje, të vrarë dhe të masakruar nga forcat serbe gjatë luftës në Kosovë.
Në homazhe nderimi mori pjesë edhe kryetari i Komunës së Vushtrrisë, z.Ferit Idrizi, i cili së bashku me familjarë, bashkëluftëtarë, përfaqësues institucionesh dhe qytetarë bëri homazhe pranë lapidarit të ngritur në kujtim të viktimave.
Me këtë rast u kujtua një nga krimet më të rënda të kryera në komunën e Vushtrrisë, ku 27 vjet më parë u vranë në mënyrë mizore 12 anëtarë të familjes Gërxhaliu, në mesin e tyre fëmijë, gra, burra dhe pleq.
Kryetari Idrizi theksoi se kujtimi për familjen Gërxhaliu mbetet i përhershëm dhe na kujton çmimin që si popull kemi paguar për lirinë dhe shtetin që gëzojmë sot
Në shenjë respekti dhe mirënjohjeje për jetën dhe flijimin e tyre, u vendosën kurora lulesh dhe u bënë homazhe pranë lapidarit në fshatin Studime.
Lavdi e përjetshme martirëve të familjes Gërxhaliu!
