“ Është kënaqësi t’iu ndihmojmë me stafin tonë në mirëmbajtjen e disa projekteve që ju po realizoni duke shpresuar që kontribuojmë edhe për ambientin ” tha në këtë rast Paul Cark. Kryetari Mulaku ka falenderuar drejtorin Cark për ndihmën e ofruar dhe njëherit menaxherëve të kësaj kompanie i ka dëshiruar suksese me Llamkosin. “ Suksesi juaj i kompanisë në të cilën janë të punësuar afër 400 punëtorë është interes për qytetarët e kësaj komune. Shpresoj që ky staf do të arrijë t’i tejkaloj problemet me gjetjen e tregut për plasman të prodhimeve të veta ” u shpreh Mulaku. Ai gjithashtu ka falenderuar kompaninë për mbështetjen financiare që ka dhe po ofron për klubin e futbollit Kosova. Drejtori ekzekutiv Paul Cark u shpreh në këtë rast që e ka mahnitur pasioni i punëtorëve për fabrikën, ruajtjen e saj dhe mirëmbajtjen. “ Ky pasion na bënë të jemi më të angazhuar për të ardhur tek sukseset me këtë kompani ” tha Cark. Ai gjithashtu ka njoftuar kryetarin Mulaku për idenë e tyre që në kompleksin e Llamkosit të ndërtojmë edhe një mini shkritore të hekurit. “ Tani unë jam bërë qytetar i Kosovës dhe kam ardhur të jetoj me familje këtu duke zgjeruar investimet ” përfundoi Cark.
Kryetari i komunës Bajram Mulaku dhe drejtori ekzekutiv i kompanisë “Coresteel-Llamkos Galva Steel” Paul Cark kanë nënshkruar marrëveshje mirëkuptimi për mirëmbajtjen dhe mbikqyrjen e shetitoreve në brigjet e lumit Tërstena dhe Silnica. Qëllimi i kësaj marrëveshje është pëlqimi i palëve të bazuar në nevojën për mirëmbajtjen dhe mbikqyrjen e këtyre shetitoreve, projekte këto të realizuara kohëve të fundit. Kompania “Coresteel Llamkos Galva Still” merr përsipër kryerjen e punëve në mirëmbajtje, ruajtjen dhe mbikqyrjen e këtyre projekteve në brigjet e lumenjëve.
