Në pamundësi të hapjes së rrugëve në tri fshatrat e Shalës Vesekovc, Kurillovë dhe Gumnishtë që janë të bllokuara më shumë se dy javë, Shtabi lokal i gatishmërisë emergjente ka kërkuar ndihmën e pushtetit qendror për zhbllokimin e këtyre fshatrave. Naim Hyseni kryesues i shtabit emergjent, thotë me makinerinë që kanë në dispozicion nuk mund ta bëjnë zhbllokimin e rrugës dhe për këtë edhe zyrtarisht e kanë njoftuar Qendrën e situatave të pushtetit qendror. “Jemi përpjekur me mundësitë tona me mjetet motorike që ka kompania kontraktuese dhe kompanitë tjera lokale për mirëmbajtjen e rrugëve, por për shkak të terrenit të vështirë nuk kemi mundur ta hapim rrugën në fshatrat Vesekovc Kurillovë por edhe në fshatin Gumnishtë”, ka thënë Hyseni.
Ndryshe sic njofton Shtabi emergjent, janë bërë përpjekje për hapjen e rrugës edhe drejtimi i Mitrovicës por për shkak të borës së madhe nuk ka pas sukses.
Të enjten një ekip i Kryqit të Kuq të Kosovës në Vushtrri bashkë me një ekip të Qendrës kryesore të mjekësisë familjare, në një terren të vështirë vetëm si këmbësor pa makineri kanë arritur të dërgojnë, ndihma por edhe barna dhe ti kontrollojnë banorët e fshatit Ismajli të Gumnishtës.
Jemi përpjekur me mundësitë tona me mjetet motorike që ka kompania kontraktuese dhe kompanitë tjera lokale për mirëmbajtjen e rrugëve, por për shkak të terrenit të vështirë nuk kemi mundur ta hapim rrugën në fshatrat Vesekovc Kurillovë por edhe në fshatin Gumnishtë, ka thënë Hyseni
